私人泳池救生員人工無天理

今年政府加人工，但私人泳池救生員人工要大減價，勁唔公平…
我又有近視(450度)，政府又唔收我，無計!!!
上年做都有$40起薪點，但今年……得返$38(聽過$35)!!!(做左咁多年，最低都係沙士個年，政府開頭減人工，私人泳池又話跟住減，依家政府加人工，又唔見私人泳池跟住加!!!)


依家通脹咁勁，如果$40都無不如轉行好過……(做馬會都有40幾)
話哂救生員都係專業，唔係識游水就得，仲要通過好多考試ga…
我認為$40係起薪點，
同政府比，今年唔計獎金(11200/30/8.5=43)
大家都係救生員唔係咁唔公平呀……


無辦法，d私人泳池大部份都係外判出去，所以救生員人工都係"泳池公司"話幾多就幾多，不過中間d判頭又要食水，最後先落到我地！！！但唔係得30幾，咁低呀……(所以早幾年，政府d救生員都強烈反對將政府泳池外判出去！！！)


今年d判頭話出左好多救生員，所以要減價…
雖然係出左好多人，但都有好多人轉左行…
同我同期出黎，好多都無做lu !!!!
仲有政府班師兄好多都話去考警察、消防，所以今年政府開始返請長工
講真啊，如果真係咁多人，政府都唔洗加人工留人la，仲有黎近政府班長工都開始退休，到時仲唔夠人!!!
而且，通常都係學生做救生員，7-8月就真係好多人，其他5,6,9,10月佢地返哂學，都唔夠人用la....(唔係點會有D泳池咁遲先開)


其實我話係班判頭、泳池公司佢地食多左，超...佢地話太多人所以$$跌番，咁佢地接池個陣，會所個邊又會唔會講:今年出左好多救生員，要減價!!!(我做左咁多年，係得沙士個年聽過話減)
總之，做落去都無意思，如果年年話多人又要減，今年$38下年$36不如唔做，又要用幾千$$ renew…有幾多年工作經驗都無用!!!
另外，私人泳池救生員又無工會，下下都要自己上身，毫無保障、人工更加無保障!!!如果私人泳池救生員出黎遊行、擺工，一定勁過班扎鐵工人!!!到時人工就會高返，但唔知可以維持幾耐!!!!!(同埋做私人泳池經常拖糧，上到勞工署又幫唔到你幾多，最多幫你登記。我差唔多年年上一次…)


仲有新做個班新仔呀……唔好下下俾d判頭壓你地$$$呀(又話你地無經驗，少d$$)，你地有無見過政府救生員會根據工作經驗黎計算工資…… 就係因為你地俾班判頭壓價，搞到人工越黎越少…(做人有返少少堅持!!!)