想問關於 毅進 既問題

您好,我是07-08的毅進學生,二年前我讀過順天明愛開辦的毅進,但因為當時比較細個,已經半供讀所以讀了一半便放棄了,依家讀緊公開大學的毅進課程,另外我有一個朋友現在讀緊城大的毅進!

毅進課程會包含七課主修課,
分別係中文,英文1,英文2,數學,人際傳意,普通話,資訊科技

另外會有三科選修課,
每間學院都會有不同的課程可以比你選擇,
例如我選擇左紀律部隊實務課程,
三科選修課將會圍繞著這個大題目:
分別是社會分析課, 紀律部隊實務課和體適能課

至於幾時招生,
每年大約係中五放榜之後佢會係九龍灣展貿有個大型聯招的,
我都係係聯招個時報名架,
不過如果你到時錯過左都可以自行去你心水既院校到報名呀!
你唔洗心急呀,政府年年差唔多招生都會係電視報紙賣廣告,

至於揀邊到上堂,其實我會建議你先揀了你有興趣的選修課,
再揀地點,因為每間學院的選修課的內容也會有不同呀!!

同展趐唔同架,展翅時間較短暫,同埋展翅重實務多一點,
毅進除了實務外,還要讀一些較學術的課程呀!

中文: 簡體字,口語和書面語,聆聽,閱讀報章,中文求職信....等等

英文1: 英文一是教一些英文最基本的文法,例如現在式,副詞..等等

英文2: 英文二是教面試英語,用英文寫求職信,一般的英語對話

數學: 數學較中學所學到的實用,例如:分期付款,稅款計算,樓宇供款的計算,百分比...等等

資訊科技: 即電腦堂,內容例如:中文輸入,Word, Excel, Powerpoint....

普通話: 和我們在中學上普通話課一樣呀,老師讀一句,我們讀一講句

人際傳意: 教人與人之間的相處技巧,內容很廣泛的,教我們的miss教得很不錯,很有趣的一課,但會有很多機會出去對住成班同學講野,不能太怕羞!

城大開辦的,我朋友說不錯

公開大學開辦的,一般吧!
我上十課,只有教數學,電腦的一位亞sir和教人際傳意的MISS是全職OUHK聘請的,其它都是以PART-TIME形識聘請的,有時你有問題想問
問老師,但他們啲時間都好FULL,
早上九時至十一時,第一課
十一時至一時,第二課
一時至二時,大家LUNCH時間,
二時至四時,第三課
四時至六時,第四課,
之後佢地雞咁腳咁收工!
加上佢地唔係日日返,可能只係安排返一三五,有些只返二四!!
當然他們的教學質素是蠻好的,起碼他們在他們所教的範疇內的知識是很豐富的!

至於明愛,師資唔夠大學開辦的專業,環境也不太好,
可能只是我之前順天那間明愛較差吧,
同學的背景都比較雜~!

希望幫到你~