我想問<<職>>師ge全名係咩?

職師全名係建築師, 你講得啱, 建築師係幫人設計, 但係唔止咁少嘢, 不過既然你提到設計, 首先就略略講吓佢設計D乜先:

如果我冇記錯, 一個財團買一塊地返黎之前, 會順序做以下的分析:

(1) Marketing Analysis
(2) Project Analysis (建築師做)
(3) Property Analysis
(4) Financial Analysis

以下逐點講:

(1) Marketing Analysis:

當知道政府將賣某塊地時, 財團便委任市場專家調查出乜嘢類型的屋苑單位响塊地周圍有市場需求, 如: 低密度還是高密度受歡迎? 豪唔豪? 700呎定1000呎會賣得出?

(2) Project Analysis:

Project Analysis 係建築師出場o既時候, 建築師會因應 Marketing Analysis 得出的建議(起邊種樓有錢賺), 開始畫則(建築圖). Project Analysis 除了包含建築圖外, 也包含建築方法, 起樓時間表, 分工圖...等等, 全部都係建築師做.

(3) Property Analysis:

物業管理專業人仕出場, 用物業管理的角度分析建築師的建築圖, 從而設計物業管理的配套和政策.

(4) Financial Analysis:

由財務顧問計清楚要幾多錢起晒成個屋苑, 要賺幾多percent (一般係: 20%), 樓價要幾錢呎出售, 投標時目標價格幾多先至應該買, 如果拍賣時俾其他財團嗌高咗個價, 嗌高咗幾多先放棄競投, 邊度揾錢起個屋苑等等, 通常都係問銀行借錢起樓, 一般做法係: 一百個Percent都係借, 起十億借足十億, 起廿億借足廿億, 即使個財團本身有錢, 佢地都唔願意攞一蚊出來起樓.

(1) 至 (4) 是財團於競投官地前所做的事, 而建築師只係做 Project Analysis.

但係當財團已經從政府手上買了地, 要起樓時, 建築師的角色就擔得勁重, 他是整個建築過程的最高領導人, 管理約 20 team 人的運作, 這 20 team 人其中包括: 園藝專家, 建築工程師隊伍, 電機工程師隊伍, 機械工程師隊伍, 土木工程師隊伍, .....等等.

所以在一個建築Project當中, 建築師是眾工程師之首.

另外, 有些建築師亦提供室內設計顧問服務, 建築法例顧問服務, 建築規劃顧問服務等等.

以上資料, 是由城市大學一位現任建築師於Total Quality Management 課堂裏教的, 當然, 前面所講的買地前 4 個 Analysis 其實是他當日俾我做的功課, 真係做到嘔, 由Marketing 做到去 建築畫則, 由 建築畫則 做到去 物業管理分析, 由物業管理分析做到去財務分析, 所以記得咁清楚!

建築師
至於設計 我又唔知算唔算係....希望幫到你