高手請入來

分別就係用畫面幾大比例去測光.
評價測光可以看成平均測光,即係以整個畫面既入光量做測量,你既主體就係整個畫面例如影風景等.畫面極光的部份會正常咁曝光過度,極暗的部份會正常地變黑.
中央平均測光就係縮小測光範圍,例如只測量大約7成左右面積,這主要是針對比較大的主體例如影半身人像等,佔了畫面大部份郤又不是整個畫面.至於測光範圍以外既嘢就唔理,就算大背光個人都會曝光正確,由得後面白晒.
點測光就係進一步縮小測光範圍,只測量畫面中極小部份,主要是針對非常細小的主體例如演唱會中的歌星,佢有射燈照住非常光,但會場又好多暗位,你支鏡又唔夠長,只可以影到佢好細粒,用其他大面積測光方法個歌星肯定爆晒光,這時點測光就最啱用.又例如影花燈,雖然花燈都好大,但由於光差同背景差好遠,一不小心又係曝晒光,用點測光測最光位置就能有效避免.
點測光亦同時可以應用在細小主體背光的場合.不過雖然主體會曝光正確,但背景就會爆晒.還是想辦法對主體補光比較好.