婚紗及晚裝租借事宜

我相信金都的價錢平係好多人去租衫既原因，因為有ｄ舖頭可以＄２ｘｘｘ有成８套衫，但講真款式係好普通，至於點解唔去出　名大公司租呢，我相信係因為大公司比較難有商量，你想轉款亦未必想轉就轉，好似我識一個朋友，佢既婚紗係某大公司租，佢結婚前半年去揀咗衫，唔可以再轉款，咁半年時間，件衫可以好大變化，到佢結婚當日，件婚紗既拖尾已經變成灰色，真係嚇咗我一跳，我建議你可以去尖沙咀金巴利道既租婚紗舖頭慢慢睇吓，因為當日我自己都係行咗好多地方，覺得呢條街ｄ舖頭大多數都ｏｋ　　　　

Q：有d人又話大多數租後都有不愉快經歷,咁點解又唔去個D羅浮宮,法國婚紛,蒙羅瓏莎個D地方租呢?
答：因為羅浮宮,法國婚紛,蒙羅瓏莎啲款比較普通&大路，仲有响佢地道租衫，只係跟披肩、頭紗、手套，咩都唔跟(即係無頭飾、耳環、頸鏈)，雖然租衫既PACKAGE好似好平，但靚啲既款又要再加錢，套褂一樣，要多啲金銀線呢，又係要加錢！咁加加埋埋，仲貴啦，不如我去尖沙咀婚紗街嗰啲租仲無咁嬲！

尖沙咀金巴利道(君怡酒店附近一帶)啲外租PACKAGE係貴啲，但人地名碼實價，所有嘢都包括响PACKAGE之內(披肩、頭紗、手套、頭飾、耳環、頸鏈)，自己唔洗再出去揾頭飾、首飾配襯...方便好多，而且佢地啲款係有自己designer設計，唔會咁common。

我自己結婚都係去尖沙咀金巴利道租衫，都有去金都睇過，但佢地啲款係抄尖沙咀，但又唔係全抄，自己又改少少，我個人唔係咁鍾意，而且聽人講金都好興郁吓又話你整污糟啲衫，而扣你錢，我唔想之後麻煩，所以去尖沙咀租.....

去金都一般的價錢會便D。
我有個朋友的朋友結婚都系系金都租借，我朋友去做伴娘，不過沒聽講過有什麼不愉快，但系就麻煩些少。去大公司租借都要行幾轉，改完試，試完又改，但系就貴，因唔系小舖頭，服務費貴好多，仲有話D婚紗系出名的設計師設計啊之類的野。不過服務系有保障，如果錢銀鬆動，去大公司租好。