求麥兜笑片既對白

麥太：醫生呀，個小朋友 un 腳呀。
醫生：下？
麥太：我話個小朋友成日 un 腳呀。
醫生：咁... 關我咩事呀？
麥太：你係醫生呀嘛！
醫生：咁點呀？
麥太：咁咪醫囉，內外全科呀嘛你。
醫生：唔好意思，內外全科，唔包 un 腳。
麥太：下？咁內外全科包 d 乜野架？
醫生：一般野囉！
麥太：點一般法呀？
醫生：普通病囉！
麥太：點普通呀？
醫生：普普通通，頭暈身慶咁囉！
麥太：仲有呢？
醫生：仲有小兒驚風外感發冷無名腫毒外傷骨節腸胃不適疴嘔肚痛四時感冒腰酸背痛
小便不暢脂肪積聚性慾減退大頸泡大眼肚咁囉！
麥太：仲有冇呀？
醫生：仲有o個 d 皮膚痕癢精神緊張健忘失眠暗瘡頭皮痱滋小腸氣腎水不足頭暈耳鳴
口乾舌燥生蛇生癬屁股生瘡尿頻雞眼胃酸過多膽固醇過高吐血嘔奶鼻塞塞o個 d 囉！
麥太：仲有呢？
醫生：仲有發吽哣發雞盲發瘟發 ti 騰飛蚊症發耳賺口淡淡面青青生蟲生漬車呔肚鬼鼠肉
拜～拜～肉出水痘生鼓脹秃頭大無腦大眼的 dot 蚊叮蟲咬鴨 也母 腳 un 腳主婦手香港腳...
麥太：啊！你講左 un 腳！
醫生：我幾時有講 un 腳呀？
麥太：我聽住你話 un 腳架啦！
醫生：我先至唔會。
麥太：拿你明明話發吽哣發雞盲發瘟發 ti 騰飛蚊症發耳賺口淡淡面青唇白生蟲生漬車呔肚
鬼鼠肉拜拜肉出水痘生鼓脹秃頭大無腦大眼的 dot 蚊叮蟲咬香港腳鴨 也母 腳同埋 un 腳喎！
醫生：我點會咁講呀？！
麥太：咁你講咩呀？
醫生：講緊 d 普通病囉！
麥太：點普通呀？
醫生：普普通通，傷風咳嗽囉！
麥太：仲有呢？
醫生：仲有嘔黃膽水夜尿打乞次流鼻涕扁桃腺炎腳丫痕癢骨質疏鬆胃腩下垂打 C egg。
麥太：好似仲有播！
醫生：仲有呢個懵口懵面戚眉戚眼耳後見腮尖寒尖凍肌肉酸痛姣私燉篤風濕骨痛喉嚨腫痛
攣頭縮頸腰長腳短心神恍惚腳仔軟軟疴爛 bat 發牙痕汗多潮熱脫髮甩毛前列腺發大眼的 dot
發吽哣發雞盲飛蚊症發耳賺脾 maak maak 眼睥睥鬼鼠肉拜拜肉痴孖筋長短腳鴨 也母 腳主婦手
un un 腳香港腳...
麥太：拿！又講 un 腳勒！又講勒！
醫生：我睇你真係發耳賺播！


-----------------------------------------------------------------------------------------

麥太：即係乜野啊？
夥計：普普通通家常便飯咁啦
麥太：點家常法啊？
夥計：哦～咪又係來來去去有d肉啊有d菜啊撈埋撈埋打個生粉獻上去果d野咁囖，你想跟飯定跟意粉啊？
麥太：跟乜野嗟？你都無講過午餐係乜
夥計：咁都係果d野嘎啦，廿零蚊個餐又湯又盛唔通有得你食天九翅咩？求求其其有d肉有d菜蛋白質澱粉質撈撈埋埋打個白汁茄汁黑椒汁咁撐得你懵口懵面咪lui返去返工返學返廠返寫字樓囖，唔係你估真係搵餐晏仔咁簡單啊。咁跟飯定跟意粉啊？
麥兜：媽媽，我想跟飯啊
麥太：跟乜野飯嗟？食乜都未知啊
夥計：都估到啦，黎黎去去咪又果幾味野
麥太：邊幾味野啊？
夥計：咁都係果d 豬肉牛肉 瓜瓜菜菜 粟米肉粒 雙腸蛋飯 窩蛋牛飯 生炒牛飯 梅菜魭魚 味菜鮮魷 香茅豬扒 葡汁海鮮跟飯或意粉 三絲炒瀨 時菜斑球 香煎龍鯏 沙爹牛河 吉列斑塊 涼瓜煮魚 鮮茄牛飯 反炒貴刁 咖喱雞 芙蓉蛋 俄羅斯牛肉 夏威夷雞扒 焗葡國雞飯 豉椒排骨 肉醬意粉 宮寶雞丁跟飯或意粉
麥兜：媽媽，我要宮寶雞“燈”啊
麥太：怕唔怕辣啊，d宮寶雞丁？
夥計：唔怕～今日午餐無宮寶雞丁
麥太：無你又講？
夥計：我舉例嗟
麥太：咁你舉夠未啊？
夥計：差不多啦
麥太：差幾多啊？
夥計：都七七八八啦
麥太：唔好七七八八啦，你舉埋距先嘞
夥計：咁黎黎去去又確實不外乎果d 滑蛋蝦仁 京都排骨 中式牛柳 西芹雞柳 紅燒豆腐 豉汁排骨 乾炒牛河 叉燒煎 蛋魚香茄子 白汁雞絲跟飯或意粉 西炒飯 咕嚕肉 煙肉蛋 鹽焗雞 金沙骨 紮肉河 鹹魚雞粒飯 葡汁焗四蔬 蜆肉菠菜面 西西里牛肉 日式照燒雞 清湯牛白腩 鹵水鵝肉拼鹵蛋 刁草汁焗石斑， 哪仲有燒肉雞雞油雞 叉油雞 叉切雞 雞油雞切雞 雞叉燒肉 燒肉叉燒肉 叉雞叉油雞油雞瀨 叉燒瀨 叉燒油雞 燒鵝瀨 乳豬飯 乳豬叉油雞 油鴨飯 油雞米 叉燒油雞米 火腩油雞叉燒米 油豆腐 火腩油鴨 豉油皇炒米係啵，仲有潤腸啵，好靚啊我地呢度d潤腸！
麥太：潤腸哈哇？好呀潤腸！咁你即係舉完例啦嘛？
夥計：舉完嘞
麥兜：媽媽，我想跟飯啊
麥太：得啦！我問你，今日個午餐到底係乜野？
夥計：啊？家下仲午餐？過曬鐘啦～