在一班同學中可以講咩野好?

我本人啦~ 過去有時都唔知講咩架~
講真要搵一個話題講真係好難~ 好多時你話見到人地講野就笑~ 但係你覺得唔好笑呢~ 你可能會覺得笑o個D 人好低B 姐... 咁都好笑...
但係有時你會唔會又冇咩信心呢?? 你可以放鬆心情聽下人地講野~
雖然係... 佢講既野可能唔好笑... 但係同人地一齊笑~ 感覺係唔同架~

放開心情同人講下野就OK 啦~

大家咁話啦,我都係中四的說= =
首先,點解有d人講野會引到人笑?
因為嗰d人搞得gag多,日日唔搞唔舒服,結果d人就笑左出來
再唔係就係佢地自己圈子入面發生左d事,有人攞來講下笑
in fact,我唔覺得好笑(gag的話我會覺得好爛)
跟住到你3個唔同場合...
1.早上講得既得功課,如果班同學掛住做功課就咪煩佢地,不過如果佢地得閒既話可以搵d話題來講下(例如講下獎門人既食字gag,自己又搞爛個場。當然如果你係女仔既話,搵d是非講下就最好不過)
2.食飯可以講既野好多,有部分屬於學業性:
陣間上咩堂,有沒quiz等
有部份屬gag:
呢個要你自己化下心思去唸(女仔既話可以講下一d平時會做既野)
有些屬於吐苦水:
d功課多到爆,日日都夜訓,邊個老師勁惡......
我就咁唸都唸到3個,你可以繼續唸埋第4,5個架~
3.偶爾碰上
有d例牌對白係必然要講:
"咦?xxx,你去邊丫/做咩?"
"xxx,又去___丫?"(此乃依據平時該同學既喜好而作出改動,通常都係去打波,打機,圖書館之類)
請務必要收埋你d hi同hello,你咁講會令到人地唔知點應你
--------------------------------------------------------------------
你要相處技巧,但太廣,所以我只集中俾最重要既你
*留意出聲時勿插其他人咀,不過有時路過搞下gag/加入同學既會議當中還可以接受(場合太莊嚴就暫時停口)
*可以既話盡量唔好令到人同你相處既時候有冷場,你至少都要搞個gag,起碼要令到個場"更凍"。
-------------------------------------------------
最後,我並唔清楚你有沒因長時間沒野講而變自閉,但都請你務必出席同學一齊搞既活動,先可以令更多人了解你
祝你成功!