漸變灰 與 CLP

兩種瀘鏡作用唔同.
CPL的作用係瀘去反光同埋令個天更藍.
有時水面或者玻璃有反光令你睇唔到後面的景物,就可以用CPL瀘走反光,令到佢地真正變透明,就算係普通花花草草,有時瀘一瀘表面反光都可以令佢地對比度更加高.
要令個天藍最大效果是跟太陽成90度角,即太陽在你的左或右側,正光及背光是沒有效果的.
CPL上有箭咀,用它對正太陽就可以瀘走最多偏震光.或直接轉動CPL靠肉眼睇即時效果都得.
但留意CPL會減光兩級,不宜長期接在鏡頭上.
漸變灰通常係要來減低天空同地面的反差的.天空好多時都光過地面好多,夾硬影一係地面好黑,一係天空好白.漸變灰是一塊有半邊是減光鏡的瀘鏡,但不會好明顯一樣一半咁分開,而係在過度位置漸變的,可以減低天空的亮度但又唔會另人睇到有條線在中間.
要買就唔好買圓形嗰種,因為限制咗構圖,應該買四方形的再加一個holder,咁就可以自己移位置.
佢地都係有目的而用,並唔係話影乜都加落去就會靚的.影風景比較多用,影人像除非影埋景,否則比較小用.