✔ 最佳答案
首先，要指出一些錯誤的講法：
第一，concentrated sulphuric acid 作為 oxidizing agent，唔係因為佢有 SO42- ion，而係因為佢有 H2SO4 molecules。Concentrated sulphuric acid 其實係指 98% H2SO4，其餘 2% 係 impurities。因為水少甚至冇水，所以很多 H2SO4 molecules 都冇 ionize 到，以 H2SO4 molecules 形式存在。另外，solution of metal sulphate 雖然含有好多 SO42- ion，但絕對唔係 O.A.。
第二，redox reaction 能唔能夠進行，唔係因為某個 reactant 係 stronger OA (oxidizing agent)，而係要睇 O.A. 同 R.A. (reducing agent) 兩個既強度。若果只睇某個 reactant 係 stronger O.A.，咁就會好大鑊，acidified potassium permanganate 係 stronger OA than acidified potassium dichromate，咁你唔係要佢兩個撈埋就有 redox rection 俾你睇丫嗎？
第三，Cl- 唔係 OA，而係 RA。因為 O.A. 進行 reduction，降低 O.N.。Cl 在 Cl- 時的 O.N. 係 -1，係 Cl 最低既 O.N.，點會進行 reducing 呢？
=====
第一題答案，是因為雖然 concentrated sulphuric acid 係 O.A.，但 Cl- 係極之弱既 R.A.，弱到同 concentrated sulphuric acid 冇 redox reaction。（Cl2 係好強既 OA，好易變成 Cl-，即係話 Cl- 好難會作為 R.A. 變番做 Cl2。）但 Br- 係幾強既 R.A.，所以會同 O.A. 既 concentrated sulphuric acid 有 redox reaction。而 I- 係更加強既 R.A.，當然會同 concentrated sulphuric acid 有 redox reaction 啦。
第二題答案，係 reactant 既 concentrated 愈 high，reaction 通常會愈快。但係你要辨認邊個係 reactant。例如 98% sulphuric acid 中大部份係 H2SO4 molecules，加入水後好多 H2SO4 molecules 會 ionize 變做 H ，即係加水後會令 H2SO4 molecules 變成 less concentrated，而 H+ ions 變成 more concentrated。所以 concentrated sulphuric acid 加水後，如果 reactant 係 H2SO4 molecules 就會變慢，如果 reactant 係 H+ ions 就會變快。
