請幫幫我睇下我隻狗狗應該點好..(皮膚病)

我的魔天使女和你一樣, 四隻腳都lam到變左深啡色,連咀都變埋色, 仲有d甩皮甩毛, 情況維持了其實都幾個月, 時好時壞, 可能近來天氣濕同熱, 所以lam得更嚴重.

於是我上星期帶佢去睇醫生, 醫生話佢100%係皮膚敏感, 但致敏源可能來自食物, 環境, 甚至係佢甲狀腺素過低等等...所以開左d 抗生素, 抗真菌葯同類固醇俾佢食, 又要佢轉食royal canine 一個抗敏感狗糧，同埋用一支葯性shampoo 一星期沖涼兩次　

食左葯一個week，己經好番好多，無再lam..甩皮位亦結疤了．．醫生話如果食左葯有明顯好轉，就未必關食物事（因為食物敏感至少要轉糧後三四個月先見效）咁所以可能係環境或身體激素變化令佢敏感啦，有時狗狗太無聊都會lam出病來．　

我建議你都係帶佢睇下vet, 咁先知佢係咩事，仲要幫佢帶燈罩避免佢再lam, 因為好易細菌感染架，平時沖涼一定要吹乾晒佢添呀．

2008-04-10 13:28:55 補充：
仲有，我本人唔suggest 你用漂白產品，一來我好耐以前用過（另一牌子的），效用不明顯；二來我諗為漂濟都或多或少都有化學成分，所以無謂為了美觀而增添狗狗皮膚的負擔囉．

以我所見這些不是什麼皮膚病
因為我隻狗狗有一隻手指位(同你隻狗狗一樣位),
嘴邊同陰部附近
都係變咗啡色
醫生話係因為佢成日lam
就好似bb呂啜手指
而口水含有酵素
所以就會變咗啡色
要改咗啲lam野壞習慣
就可以
眼水亦都有酵素
所以眼底都會有啡色