廚房去水渠塞了，可以如何如何做？

廚房去水渠塞了

一般通渠, 可以採用a. 沖壓方法 b.抽取方法

1. 沖壓的方法, 用水加壓通渠, 適用於半塞或去水慢, 若全塞排不到水, 會令家裡有一灘水難於清理.

2. 抽取的方法, 到家用舖買泵抽幾吓, 垃圾污物抽出, 清除污物再嚟多次, 直至去到水為止.

溫馨提示

通常廚房的排水喉管內會積聚油脂, 用暖水灌入沖水, 去水會順暢些

不可注入滾水會令喉管接駁位受損而漏水.

沖壓方法會將污物越推越遠, 多曲位積聚會好快塞.

順暢後拆聚水器(隔氣U型/P型/杯型)倒污物及清洗.

註: 每個師傅有不同的做法, 沒有絕對正確或錯的答案; 只有合適的答案.

希望能夠解決到你的問題
E-mail: [email protected]

日本城或什貨舖有隻飛魚通渠水, 連浴缸d頭髮都溶到, 但用之前準備一些工夫.

(1) 開抽氣風機.
(2) 戴手套及口罩(最好著舊長袖衫).
(3) 開少許水流入去水渠塞, 不要關水喉, 要開最少水(沖走殘渣).
(4) 可以續少倒通渠水, 第一次倒1/4, 睇情況再倒, 不要心急.
(5) 渠通好後, 繼續開水喉幾分鐘, 確保通渠水同殘渣不會中途再塞回流.

保養最好兩個月通一次水渠, 每次都用少少.

首先你將鋅盆下面隔器擰開, 最好帶手套, 另外用膠袋縛係隔器下面用來盛載流下來的污穢物/污水, 因擰開隔器污水會湧落膠袋然後倒掉污水落馬桶, 污穢物當垃圾拋棄, 清理隔器再睇一睇去水喉有否污穢物阻塞, 可用堅硬鐵線鉤出清理, 擰返隔器完成.
然後用食鹽倒入鋅盆去水口, 等二十分鐘用熱水沖入去水口, 如果去水順利就沒有問題, 但是很慢去水則有可能塞係出便, 真係需要搵人通了.

其實要視乎你的廚房去水渠的淤塞程度來作決定，
如果是稍為去水緩慢，你可以用一煲熱水沖落去水位，
就可以將水渠內阻塞的油污沖走;或者用水泵通一通水渠內的垃圾;
又或者嘗試扭開去水位下面那個污水渠水隔清走那個位置的垃圾;
再進一步行動是買枝通渠膠喉（不過買咗都要你識得點用）
或者買枝通渠佬倒入去水渠位，化解渣滓，
如果所有較為簡單的方法都無法改善淤塞問題的話，
你就要請個通渠師傅至攪得掂啦！

嘗試去日x城買支通渠化塞劑，約十多元左右，成支倒晒落去，唔駛1分鐘，曾經試過乜都通晒！

用時小心，因為是腐蝕性。記住帶手套及不要濺到身上喔。