我既前途...?幫幫手,thx

其實樓主處境同我有少少一樣, 不過比你好一點. 咁你點解BTME會讀得咁差? 你無興趣讀? 定係你唔肯努力? 唔慣大學讀書模式? 盡全力讀都係咁差? 我理科底較差, 但兩年半前理大派個工程學院其中一個HD比我(個HD而家摺左). 起初我的確讀得好辛苦, 因為我中四起無讀過理科, 所以理科真係好差好差, 但都因為有上LAB, 唔識就返屋企盡量讀, 亦都有問同學, 考試前唔識都有搵有關參考書讀, 等自己容易明白, 最後有關科目都有C+/C (但相信都差唔多全系最差). 好彩都有其他閒科拉分, 最後第一學期GPA剛剛好3, 第二學期好一點. 其實, 如果你肯比心機讀, 就算你對某科無興趣, 要合格係唔難.
如果你真係對BTME無興趣的話, 長痛不如短痛, 讀完下學期就QUIT U, 不過首要條件就係要有學校收你(不論JUPAS或樹仁). 你可以AL放榜當日試下報讀樹仁, 睇下佢會否收你, 但你報樹仁之前考慮清楚你是否真正對某科有興趣, 否則會讀得好辛苦, 成績未必會好.
其實你成日走堂, 又唔溫書, 咁你點利用走堂騰出的時間? 你的時間管理是否做得不好? 畢竟大學生是成年人, 不要別人經常督促才去讀書, 要懂如何分配時間. 既然地到了如斯地步, 就盡全力溫習AL, 搏下有升grade機會. AL過後就要努力追HD進度, 堂真係要走少D啦, 除非你AL學過晒. 如果兩者無法兼得, 就要評估兩者進度, 如果你好肯定AL無得升grade, 就不如比心機讀HD.
如果你真係有少少情緒病, 點解唔試下搵有關人幫下你呢? 我諗理大SAO會有人幫你傾下學習困難. 理大有無心理醫生就唔知. 但如果你真係有情緒病就應盡快解決, 否則到病情愈來愈大時就影響你學習.
還有, 事先提醒你一句. 如果你比較嚮往走堂式的大學生活. 樹仁或許未必會適合你. 因為樹仁某時候讀書workload其實唔細, 很多課堂都是小班教學(但勝在師生關係好), 而且限制你的缺席次數. 如果每科缺席次數多過6次就會扣考. 所以有人覺得樹仁頭兩年學習會比較似中學.

2008-04-05 16:37:55 補充：
其實走唔走堂同成績不一定有直接關係. 我之前讀理大HD都有科會計, 因為中學之前學過, 所以14-15堂LEC我只係上3堂(第1, 2堂加mid-term), TUT就上齊, 最後會計科都有A+. 除非你之前學過, 或者你好肯定自修一定識晒, 走堂無妨. 但如果你未學過, 而且老師唔係教得差既, 就真係建議你上堂, 我相信理大好多老師教得唔錯.