佢仲鍾唔鍾意我？

我同佢之前係同學，跟住同佢慢慢熟左之後覺得同佢幾夾，於是我同佢做左朋友。但係，果時當我同佢講：「我覺得大家都算係好朋友，覺得大家都算熟」時，佢無出聲；過左幾個禮拜之後，佢就突然唔睬我；果時我無乜點理，只係當佢係怪人，但後黎我就聽到有人話當有人響佢面前提起我，佢就猛話對我無意思，但係個樣又鬼咁激動，同埋當d人回應佢「我未必對佢有意思」時，佢就表現激動，猛話我無理由對佢無意思（所以有d人覺得反而似佢對我有意思多d喎）……
後黎我同d舊同學friend左，當中有唔少都覺得佢應該係鍾意我，但因為佢份人「面皮簿」、怕瘀、同埋佢擔心我未必係鍾意佢（後來有一次我朋友鼓勵佢嘗試同我發展，佢有表示過擔心我未必係鍾意佢），所以就成日都對我左閃右避，但係聽到我講笑或者聽到其他人講讚美我既說話佢就笑得比平時燦爛，聽到人地「踩」我佢就表現得好唔開心同緊張（不過佢會迴避回應，兜完一個大圈之後無俾任何feedback）……
通常佢響人前都會同我保持一段距離，但係我試過好多次偷望佢時，都會見到佢咁岩都響度偷望緊我（佢一見到我好似發現佢望我時，佢就會即刻轉移視線）；有時一大班人時，佢都會響當中搵機會回應我所講既話（但就次次都係講得好婉轉咁），不過就總係唔會主動同我單獨講野；試過有d「多事之人」夾硬隔開我地（因為果d人基於佢之前同人講過佢對我無意思，於是好心地「幫佢」），攪到我地連傾多兩句既機會都無……

我有個friend曾經幫我試探過佢幾次，佢次次都無表示嫌我個friend或者反感，相反仲好肯同我個friend提起我（但傾其他野就表現得冷淡，一句起兩句止）；我個friend試過「乙水」到佢－－同佢提起我「好似」對佢有意思時，佢一聽到就好興奮（不過事後佢又好保護自己，表現得對呢個message既信任有保留）；有次我friend「潤」佢話覺得我同佢幾夾，佢就好似好多憂慮咁話：「就算係夾呀，咁都唔代表咁就可以順利發展架嘛！」（我friend於是叫佢試下，但佢又表示「唔敢」……）
後尾有一次，我好愁苦咁將自己對佢既心聲響封email度同我friend講。點知我friend居然將自己reply我封email cc埋俾佢（連埋我original封email，後黎仲打電話問佢收唔收到）！佢聽到我friend咁問就即刻表現得好驚，漏晒口咁（咁岩佢個電話無電斷左線）；第二日，我同我friend就收到封佢reply既email，佢話對我無意思，幾個鐘頭之後，仲好驚咁打俾我friend問我收唔收到佢封email，仲同我friend表示，就算我睇唔明佢想講咩，都唔再需要我friend再理呢件事……
事後我有再直接reply佢封email解釋番我對佢認真唔係想玩佢，不過佢無回我……
幾個月之後，我send sms俾佢，最尾果兩句係話「希望佢搵到俾我適合佢既女仔」，而呢個sms既內容我從來無同任何朋友提過既。點知一個月之後，我響屋企信箱收到封信，下款係佢個名，內容大概係好婉轉咁講佢暗戀我，同埋話我唔鍾意佢佢唔介意，但我唔可以阻止佢鍾意我，最後仲話如果我接受佢既就去邊度等咁。果時我一睇封信就覺得都應該係佢做，一黎因為以佢既性格，一面對好貼身既問題就真係好「騰雞」（之前我friend問親佢貼身問題佢都鬼咁激動，講野講到一舊舊咁，兜完個大圈最後好似無結論咁），二黎封信內容既用字同語氣都同佢響網上留言好相似，三黎無咩人知道我地址，但我從前試過響網上出題目考下我d朋友有幾了解我，佢玩左兩次都榮登榜首，連我d性格都瞭如指掌（所以我覺得佢會刻意記低關於我既資料唔出奇），四黎我send俾佢個sms無俾任何人睇過，我覺得無理由收到封信個message會咁岩地feedback到個sms果句說話……
可惜果日我去到目的地見唔到佢；我果日有send sms問佢，想知發生咩事，去到夜晚佢至用sms覆我話唔係佢做既，又話同我無可能，跟住又打去問我friend（之前間中打去「潤」佢果個）係咪我friend做，但之後居然變左乘機響我friend面前強調對我無意思（我friend話佢俾人既感覺係好亂，好似唔知點算好咁），但我friend叫佢直接同我溝通番，佢又「依依哎哎」咁……
佢份人好怕瘀，面皮又簿又mind人地講，所以俾人拎我同佢開玩笑佢就好唔開心，衰左又怕「認低威」（只係暗地裡表示後悔）……
其實佢曾經有次同我面對面咁「暗示」過「佢覺得同我之間既關係有別於其他人」（佢果時話覺得同我之間係「男女關係」，所以唔可以係「朋友關係」喎），但果時我蠢，係事後同番d朋友講俾d朋友話我錯失左一次機會……