關於倉鼠玻璃缸隔音問題

玻璃缸應該係用魚缸吧?

其實厚玻璃已經比其他類型既籠隔音,要隔得好好真係好難,因為要密封先做到,隔得好少少既可以在缸頂用一d野整住,例如海棉,裝一排蛋既盆(街市既一排),呢d隔音都幾好,但一定一定要記得做好通風,特別係熱天既時候,唔係熱到鼠鼠中暑就慘了,都要記全留意,cut位通風之後,d位唔會整d碎落去鼠鼠度

除左處理缸既環境外,最好都係放去冇咁嘈既位置,同時留意返鼠鼠放既位置留意事項:
1)要放在通風陰涼處
2)唔好電視等等好嘈既地方附近
3)唔好放在俾雨淋到既地方
4)唔好放在曬到既地方
5)唔好放在冷氣風口位
6)唔好放在太凍or太熱位置

用玻璃缸唻養鼠,記得要考慮返以下問題:
1)魚缸頂部要搵通風既板蓋好,唔好以為有一定既高度就冇事,鼠鼠係逃走專定,而入面會有其他物品,萬一走鼠就會好危險
2)鼠鼠既牙係不斷生長,成日都會好牙痕去咬野,雖然魚缸既玻璃有一定既厚度,但用得耐既話,可能會俾鼠鼠損毀到,除左有機會整傷鼠鼠,鼠鼠食左落肚都係好危險
3)買轉輪既話唔好買坐地or鐵轉輪,坐地較易會趺,而鐵轉輪多數係一間間通風或,咁係好易卡住鼠鼠既腳,如果買鼠專用籠,都要留意返呢類既地板都會卡到腳

2008-04-05 10:55:44 補充：
如果係用魚缸既話,最頂應該會加板防止鼠鼠走佬吧?而板理應會有孔通風,咁可以再用海棉or雞蛋盆cut返d位整在上面,正如之前所講,當然唔會隔音隔得好好啦,唔可能密封就一定唔會好既

市面有d膠既轉輪,唔會一間間咁,又可用吸盤吸住玻璃

不過都真係要小心,用玻璃缸有一定既危險

2008-04-10 16:41:16 補充：
樓下網友講既野有d唔同意,希望網友唔好介意,我只係想講返自己知道既事,大家交流一下:
其實鼠鼠對聲音係好敏感(所以要鼠鼠記得主人,最好就係用聲音),鼠鼠係夜行動物,好少依賴眼睛,主要都係靠聽覺嗅覺同觸覺,所以聽覺會好好
如果環境真係太嘈,會令鼠鼠感到壓力同不安,而感到壓力就較易有肚瀉,甩毛等疾病

而我講話加蓋,因為缸都真係有機會走鼠,唔好睇少鼠鼠逃走既能力呢,除非缸入面咩都冇,冇得爬高,而又非常高啦,見過鼠鼠識得將兩件物品疊埋咁樣去爬,雖然可能機會唔大,但以防萬一,走鼠真係好麻煩,亦都好危險
咁整通風係會差d,不過要隔音就真係難,所以我都覺得放去靜d既地方仲好

d 倉鼠唔怕嘈, 唔駛咁緊張. 若你在玻璃缸再加蓋, 除你同佢裝冷氣或加風扇, 否則好易焗到. 所以個蓋都要疏氣d.

若個缸有相當高度, 鼠鼠根本爬唔到出嚟, 唔駛驚.