AIA 打電話要求供多3年, 他有權嗎?

好不幸, 保險公司係保單會寫可以, 所以你只可以接受,
儲蓄保係保險公司最鍾意既產品, 你一買單, 就成為佢個債仔, 唔再供, 就之前既無哂.唔係保險公司點可以年年搵大錢呀.
有網友話用保險儲蓄等於用漏水既水桶儲水, 只會越來越少水, 明白未?!

你呢個情況我都聽聞過
其實儲蓄保險個利率係唔保證既
呢一點每間保險公司包括銀行都會列明保單上
佢當時同你講供12年係跟據買單時既利率
十年前AIA應該有5%息左右
而今日就係4.25% 就係呢0.75%既息差而影響左份單既供款年期

其實息率係除市場上既利率影響而調整
好似宜家放錢入銀行都冇乜息拎一樣道理

保單供款年期問題一向引起唔少爭議，消委會過去都應該處理唔少。其實保險公司的保險供款年期可分兩類：一類是保證在若干年的供款後就不用再供，（這類的保費會比第二類的貴些），另一類是保險公司估計在一個年期的供款後，若假設的條件沒有變差就可以不用再供款，若假設的條件變得更好，那麼供款年期亦會縮短，（當然這種情況出現的機率比較微，因保險公司都會算得好盡以吸引人去買），這類的保費會比較第一類平，因為不會保證供款年期。
所以照估計你媽的保單是第二類，而去消委會幫到都有限。除非你證明到你媽買單時是受騙、受迫、受誤導等不法行為所使，而唔係唔記得、唔知、誤會或聽錯等不能追究的原因。

無得投訢
我估計你應該係一個ＸＸ年既計劃
最初同你講係以現行利息，供十二年之後不用再供
但由於現在息口低
所以你要供十五年～
這已一早聲明～所以佢係合法

打去消委會都幫唔到你, 我估計你媽媽買的那份保險, 是否人壽加儲蓄? 是不是話供滿12年後以便不用再供? 其實你媽份保單係用佢自己供滿12年黎既紅利, 再幫份保單自己繼續供落去, 但由於近來聯儲局連番減息下, 份保單既息率下調, 紅利巳經不夠cover之後既保費, 所以要你媽媽供多幾年先夠cover. 基本上你地買保險時份agreement上面都會有terms寫清楚個息率會有機會上下調, 並沒有保證息率的.
不僅是你, 連我全家既保險(有AIA, AXA同ING), 未供完既要再供多幾年, 原先供完既現在又要我地供返! 但都無辦法, 呢個係大圍因素, 除非你cut單, 但損失會好大, 你咪當繼續儲錢及買個保險罷...