IVE 定 各大學開辦的HIGHER DIPOMA 較好？

(1) 質素邊度好D?

講到質素, 間間都咁好, 但有一樣嘢你要注意, 如果個課程係第一年開辦及收生的話, 質素就未必好, 因為連D搞手教授都在摸索當中, 這種課程越搞得耐, 學校就越明白學生的需要, 因為佢地每年都會好專業咁檢討, 至於新課程, 未檢討改善過, 可能有D嘢未能盡善盡美.

(2) IVE 讀E類型科目好不好?

麻麻地啦! 你問得好有智慧, 其實IVE最强的是工程科及資訊科技, 在工程界裏, IVE畢業生得到非常高的能力認可, 但係商界如Management等科目, 係港大, 中大及科大最受認可, 跟住係城大, 理大, 浸大, 公大, 樹仁, 嶺南, 恒生.... IVE提漏咗? 冇提漏, 因為排第尾.

(3) 選港大同中大會否好D? 因為想銜接本地大學!

如果你想讀完出來做嘢, 港大同中大最好, 如果你想銜接本地全日制大學如: 港大, 中大, 科大, 城大, 理大, 浸大....的話, 都係港大同中大最好, 但係新聞都有講啦, 幾萬個高級文憑或副學位畢業生爭千幾個大學學位, 讀到o既人3%都冇! 而家班區議員如: 張文光先生...等等好似幫手爭取緊這類人的升學機會, 但係立法局未必通過此類政策, 因為涉及唔少金錢, 再加上社福界又爭取緊老人宿位同福利, 香港係底稅制社會, 庫房未必有咁多錢搞完E樣搞果樣, 所以期望唔適宜咁高.

但係如果你讀IVE, 你有機會以IVE高級文憑直接升讀公開大學同科目的三年級, 亦即係讀多一年就攞degree, 如果你選擇半工讀都可以讀少相等於兩年大學的學分, 金錢同埋時間都慳唔少, 公大的Management雖然响商界唔係太勁, 但係起碼係特區政府認可degree, 唔係太弱.

咁你會問: 讀完中大或港大D Higher diploma可唔可以入公開大學直接升讀三年級? 通常都可以, 但如果你到時屋企冇錢供你讀, 你要半工讀的話, 港大同中大的Higher diploma就未必免到兩年大學的學分, 因為IVE的syllabus同公開大學比較接近, 所以容易申請到免學分, 但係其他院校的syllabus同公開大學分別比較大, 未必能申請免咁多學分! 詳情你要上公開大學問先知, 因為宜家我係講緊公開大學的現行政策, 大學係有權改變它的政策的, 兩年之後遊戲仲係唔係咁玩, 冇人知.

(4) 讀其他科會唔會對升學好D?

唔會, 學位係得咁多, 而且你在高級文憑時要小心揀科, 唔好揀埋D太過新穎o既科目, 如: 警政管理, 機械人電子計算, 戀愛研究, 賭錢科技, 波欺貓生態, 或螞蟻學高級文憑...等等, 如果你高級文憑讀E類科目, 但係全香港都冇開辦E類科目的學位課程, 咁樣你都唔使旨意銜接洛!