狗仔吠可唔可以絕育解決?

首先問你是不是很少時間陪佢？
兩歲依然亂大小便，牠這樣做應該是要引你注意，從此想得到更多的關注，當每一次牠周圍亂大、小便時，你是否都很生氣地大聲鬧牠？有一個辦可以試，就是當牠又亂咁大、小便時，你不大吵大鬧，而是完全不罵牠連望也不要望牠，當無事發生，然後清理那些牠的傑作的，還要裝出稱贊那些大、小便，那牠覺得好無癮，漸漸就不再隨處大、小便了。

至於成日亂咁叫，你可以每一次牠亂叫之時，按住他的額頭令他的頭向下，然後每次都用同一句話(例如叫牠收聲)，當他停止了，你改為摸他的頭，稱贊他乖或給他一點零食獎勵，如此這搬，日子久了就見效了。絕育並不能阻止狗仔的行為，這是我的經驗。

2008-04-06 19:27:10 補充：
絕育對狗仔的健康是好，但不能解決亂叫亂吠的情况，我隻狗仔就是因為常亂叫亂吠，我聽別人說絕育之後就不會這樣了，於是去做了絕育手術，但一點幫助都無，其實最大的因素是要教，我的意見希望可以幫到你，因為你的情況我也經歷過，當初真係頭都大晒無晒符~~這是沒有捷巠的，一定要耐心教牠。

絕育可能有助減少周圍亂all屎尿既權勢主意, 但佢兩歲, 已經成犬, 絕育未必有用. 絕育唔會對狗狗性格同壞行為有什麼改變, 不過絕育係保健手術, 可以預防某D病, 如果唔考慮生下一代, 都可以考慮幫佢絕育. 幫佢絕育之前, 覺得佢慘好正常, 你鍚佢所以咪甘.

佢存在教養問題. 唔可以單靠絕育來解決. 你要耐心教佢. 你可以試下模仿母狗既方法, 唔聽話時, 輕力用手握住咀(連下巴), 將佢按低. 等佢知道你強過佢. 佢聽話時, 你要比零食或者玩具獎勵佢. 一步一步等佢變番乖D.

松鼠狗好多時都有些神經質，係狗種問題，唔係你隻狗嘅問題！少少嘢就會吠！但四圍痾就無関係，係要你有耐性去教，亦可能係狗狗向你哋投訴，或者佢係一隻要多Ｄ關懷嘅小狗，你唔理佢就四圍痾引你注意！記住你鬧佢同打佢都係注意佢嘅一种！
絕育或者有改善，但我諗係佢天性問題，關心同溝通多Ｄ我諗會更容易解決問題！但我都贊成絕育(無論對佢亂吠有無幫助)，尤其係女仔，聽到太多个案！以前我都覺得無端端做手術好慘，但知道好多朋友嘅狗狗都因為無絕育(如子宮蓄膿等)而死亡，我所有狗狗都做咗手術，除咗怕麻醉药敏感外，都無乜嘢，好快復元，男仔仲好似無事發生過！！

沒錯,絕育係解決方法

但單單靠絕育係冇用既
你要慢慢好似教仔咁教佢
等佢乖d~~~~