✔ 最佳答案
1) 因為羅馬係你最後一站, 所以應該響羅馬退稅. 倫敦的退稅counter響閘外, 我諗你轉機時都未必會走出去禁區外......
2) 稅率會跟法國的稅率, 當法國o的舖頭出張退稅form俾你o既時候, 已經寫明會退番幾多錢稅俾你.
3) 購物後記得即日去攞退稅form, 通常如果你幫襯舖頭o既話, o個間舖頭會自己出張form俾你, 百貨公司可能會有另一個counter去幫你搞退稅. o的sales見你係外國人, 都會話你知點攞form o架喇. 記得離開舖頭/百貨公司之前, check清楚張form裡面o既personal information係唔係正確 (佢o地會幫你填好晒所有資料). 跟住你記得keep好張form, 直至到機場蓋印. 只要你90日內出境就冇問題. 如果你要求將退稅金額退回credit card, 記得去海關蓋完印後攞番張底單, 萬一收唔到退稅都仲有得憑據同o個邊海關力爭到底.
4) 百貨公司會有個專區(counter)搞退稅. 唔知你會唔會去巴黎老佛爺百貨公司買LV呢? 如果你響o個度買LV, 佢o地同公司其他department分開搞退稅, 所以佢o地會另外出張form俾你, 老佛爺o既退稅counter係唔會幫你做的. 如果你想攞番錢先繼續shopping, 可以去老佛爺global exchange(找換店)o個度攞番退稅金額, 不過佢o地要攞你credit card資料, 以防你冇去機場蓋印, 都可以扣番你錢. 總之你攞錢後3個星期內出境就冇問題.
5) 原則上佢o地有權問你攞o的退稅品睇, 不過通常都冇咁多時間逐個人問攞o黎睇. 你唔可以用住比佢睇, 因為o的貨suppose你響歐盟國家以外o既地方用.
6) 當然可以啦. 搞掂晒退稅都冇人理你放響邊喇.
7) 唔一定, 視乎sales而定. 我上次去買全部都係俾現金 (不過我買o既o野唔多 :-P). 最主要個sales覺得你係真係買o黎自用, 唔係走水貨, 同埋唔好print晒LV袋o既資料走去核對, 咁就ok了~ 當然你要有心理準備佢要你用credit card付款啦, 不過佢唔提, 你就唔好提喇. XD
8) sorry, 我未去過瑞士買勞力士, 答唔到你.
希望可以解答你o既問題啦!
2008-04-06 10:36:22 補充：
冇錯, 老佛爺裡面其他任何牌子都可以退稅, 只不過係同LV分開計. 除o左LV, 總之你夾埋幾樣o野買滿150 euro就可以退稅, 而淨係LV都要買滿150 euro先可以退稅 (不過多數實會過呢個limit啦).
至於攞番錢o個度, 你都仲要去機場比海關蓋印, 而佢o地有可能會叫你攞件貨俾佢o地check, 只不過你可以攞番錢先, 因為你臨走時先攞番d euro, 番到香港又要兌番港幣, 蝕手續費, 咁不如用埋佢 :-P 我自己退稅就冇試過俾人要求拎o的貨出o黎check, 不過我唔係響羅馬出境, 所以我唔知o個邊情況點.
2008-04-06 10:41:11 補充：
至於老佛爺退稅counter, 如果冇記錯應該響basement o個層, 你跟住tax refund o既指示就會去到, 唔難搵o既.
2008-04-08 19:04:55 補充：
冇錯, 不過你要記得響攞番錢後3星期內出境, 如果唔係佢就會扣你錢. 我上次o岩o岩好3星期後出境, 錯誤俾佢o地從我credit card扣o左錢, 結果我要credit card公司幫我追番條數番o黎. 所以記得要keep好單同埋保留出入境證明呀!
