IVE報咩科好?

我都贊成讀建築真係唔錯, 除了升學機會好之外, 前途亦有保證, 就算香港有朝一日冇樓起, 物業管理公司一樣會以幾好o既待遇同職位請有建築學歷的人做物業管理, handle維修, 加建, 拆毁同改裝等等o既Project, 一樣可以一展所長, 但係如果你對建築真係冇興趣或者唔適合, 另外一科可能幫到你:

會計:

如果係IVE會計畢業, 即使是文憑, 都包保唔會做唔返會計, 人工仲比起其行業加得快添, 如果係IVE會計高級文憑, 一畢業就受英國會計師公會認可及免考六張專業試卷, 中大榮譽學位都係免八張咋, 你話着唔着數, 如果拿着IVE會計high dip+3年會計經驗賺唔到$11000蚊過月的話, 果份工一定係兼職.

我推介屯門IVE建造工程系o既「市區重建、屋宇檢驗及修護高級文憑」(Higher Diploma in Urban Renewal, Building Inspection and Maintenance)同埋「建造工程及管理高級文憑」(Higher Diploma in Construction Engineering and Management)，。如果你考獲5科合格(包括英數)，你可以報讀這高級文憑o既二年級。

舊年屯門IVE建造工程系o既畢業班未考畢業試已經有好多同學有本地大學俾有條件取錄(conditional offer)佢地，全部都係政府資助o既大學學位(唔係冇資助o個o的)，有o的入香港大學o既土木工程，有o的入CITYU 2年級，有o的入POLYU，有o的入UST。舊年有3分1班o既畢業生收o左入本地大學o既Degree。以我所知直升大學2年級o既取錄條件係優良成績畢業(Distinction)，一年級o既取錄條件係良好成績畢業(Credit)。

今年好多大型工程就o黎上馬，包括添馬艦，西九，舊機場，觀塘重建，依家立法會仲通過埋強制驗樓計劃等等。起o的私人承建商度可以做工程助理或者助理工程師。今年開始政府將會重新招聘公務員，如果以高級文憑入職技術主任/測量主任或者工程監工，月薪萬幾，所以我都介紹o左表弟表妹報讀。

不過如果你對建築完全冇興趣就唔洗諗。