一手破壞了初戀..

以前我成日覺得,拍拖係好容易,只要做一d 情侶會做既事就ok
但耐左,我已經唔識點再去handle一段無感情既初戀

事情係咁..
我有一個朋友,佢知道有個女仔暗戀我
個時我好天真,我覺得有拖拍就ok 無點樣考慮之下開始左呢一段感情
我同呢個女仔係f.1同一班,算係成日鬥氣
f.2 唔同班,我亦只係lunch time先會見到佢,
得閒傾下計.. 仲係普通朋友階段
到左f.3都係唔同班.
但我知道佢鍾意左我, 其實我知道我地2個經歷既野唔多
拍左拖後,覺得我地2個好少主動溝通,
我地2個都好被動.. 好少會打電話比對方
即使係現實2個人一齊行,都行得有點生疏
大家冇話題講,我亦好努力去製造話題
講學校生活,d朋友點衰法.. 但除左呢d
就已經冇話題.,

拍左拖近4個月,我終於了解到我係handle唔到呢段感情
我好自責我一開始錯手開始呢段感情,人地咁大期望
但自己又對佢越黎越冷淡
我唔想再拖落去,我想大家都好過,所以我寫信比佢
話大家做番朋友 , 因為我知道, 我地根本好難維繫落去
可能大家自己各取所需, 以為有個boyfd/girl fd會型d
以為大家讀書時有段拖拍就好威

但我知道,依家分手好過遲下分. 長痛不如短痛
唔想影響大家讀書, 我知道自己唔應該開始呢段感情
我好後悔 我覺得自己唔配拍拖 回復單身讀好自己書先係我要行既路

同佢分左手幾日, 不斷聽到佢身邊既朋友,
話佢唔開心, 人地係佢面前提起我個名,佢就話"慳D"
我唔想佢咁對人,佢係一個好女仔,但點解要向壞個方面諗?

我真係唔知大家想點..
有冇人可以安慰我..?
同朋友傾,佢地只係笑我無鬼用
好辛苦.. 時間耐左,雙方再見番面係咪真係可以做番朋友?

我只係知道自己係適合讀書,唔應該係呢段時期拍拖
自己HANDLE唔到,又影響人地既付出