✔ 最佳答案
1. 根據上訴庭在98年5月26日所訂下對Ketamine (K仔)的判刑指引及上訴庭在98年3月27日所訂下對 3,4-methylenedioxy-methamphetamine hydrochloride(MDMA), 俗稱Ecstasy, E仔或Fing頭丸, 的判刑指引, 販運25克以下的K仔或E仔判刑由法官決定. 25克以上至400克以下判刑是2-4年監禁. 400克以上至800克以下判刑是4-8年監禁. 800克以上判刑是8年以上監禁.
根據經驗, 每粒Fing頭丸約含0.1克的MDMA. 所以廿幾粒就含約2點幾克MDMA. 夾埋dE仔, 即係你朋友共販運約12克毒品, 本來咁少量, 係可以被控藏毒罪而並非販毒罪, 但因為佢成廿幾包, 加上廿幾粒Fing頭, 咁多散裝毒品, 似拆家多過自用. 所以應會被控販毒.
以12克計, 判刑由法官決定. 應該判4-6個月. 我諗亦因為警方認定佢係拆家, 所以先反對佢保釋, 廢事佢阻住差佬查佢嘅上綫拆家.
2. 裁判法院唔俾佢保釋, 佢只有申請高院擔保. 即係請律師去高等法院申請俾佢擔保. 如佢想咁做可請律師代辦. 亦可請荔枝角收押所內的福利官幫手. 但正如我以上所講, 咁小量毒品而唔俾擔保, 即係控方認為俾佢擔保會妨礙警方查案, 而且佢五月中審, 唔係要拋太耐, 咁極大機會高院亦唔會批.
3. 保釋分現金同人事兩種, 亦可以係現金加人事. 現金即係放錢入法庭, 疑犯走佬就充公d現金. 人事就唔需要即俾cash. 只要有人伸個頭出嚟認頭某一個數目. 疑犯走佬擔保人就要抬錢上法庭俾法庭充公.