鼠鼠死左...唔開心and唔明白...

好抱歉知道你既鼠鼠一個月死三隻,希望你唔好太難過

A.三隻鼠係咪一齊住?係咪3隻都係3月初你之前發問既時侯買?死既時候,除左第一隻之外,其他兩隻有冇病徵同外傷?你講既鼠係咪跟你排既次序死?

以暫時既資料睇,我覺得有以下既可能:
1)受驚受壓
你三隻鼠明顯有受驚受壓既情況,如果係同一個籠or鼠籠之間好接近,都易令鼠鼠感到驚同壓力
倉鼠係獨居動物,野生既鼠都係交配先走埋一齊好短時間,年幼既時候一齊住多數都冇咩問題(部份都有打死既問題),但大個之後就對同類一齊住感到抗拒,所以如果一籠多鼠or籠太接近,都會令鼠鼠感到壓力,同唔同性別都一樣會有呢個情況

而之前睇返你既發問得知,第一天買鼠返唻,想抱鼠時鼠鼠好驚你,都要留意返,如果鼠鼠情緒不安,新買返唻,都需要時間去習慣同冷靜,如果呢d時候都有去同佢地玩,咁會令問題更加嚴重

唔好以為受驚受壓係小事,因為倉鼠既生理代謝同心跳快,有壓力就好易唔舒服,甚至休克,你三隻鼠就似係受壓而情緒好緊張

2)第一隻鼠
由3樓趺落唻,頭著地,內傷係好易令鼠鼠死亡既,而佢趺之前係咁玩轉,情緒咁不安,睇唻都有受驚受壓既問題

3)如果係同一個籠,有鼠死後有冇澈底洗好個籠?
有鼠死易有細菌,加上見到第隻鼠死,其他鼠都易感到壓力

4)冇力
第三隻鼠冇咩力咁,其實好多病都會令鼠鼠冇咩力,感冒重病都會,睇到呢d情況最好就係盡快睇醫生處理,都要睇返會唔會之前有打交既問題,詳細冇力既可能性可參考以下我回答既知識,有講埋鼠籠放既位置要留意既事:
http://hk.knowledge.yahoo.com/question/question?qid=7008022002898

5)回應返樓上網友講既日夜顛倒
除非你日頭加布在籠OR密室咁去打亂生理時鐘,如果唔係其實一般日頭同鼠鼠玩一陣係冇事既,不斷玩好耐就會令鼠鼠累死既機會較大
鼠鼠係夜行動物,如果顛倒左既話,會令鼠鼠身體產生混亂,失眠,情緒出現問題等負面影響,要食藥先可以快一點回復正常

B.我就唔建議問鼠店點養鼠,問左都要自行分析同查究先,因為鼠店始終係一個做生意既地方,講既野未必完全可信,好似佢唔會話你知鼠鼠食得多零食會易唔舒服咁,鼠店當然會叫你買多D野啦

養鼠想養得好D長命D,最基本係一籠一鼠,唔好亂食野,其他要留意既事可參考以下我回答既知識:
http://hk.knowledge.yahoo.com/question/question?qid=7008040101660

2008-04-04 14:23:43 補充：
即係一籠一鼠,分開3次咁死?
洗好晒唔知有冇消毒呢?屋企有冇第d寵物?見到鼠鼠驚又會唔會都繼續要鼠鼠同你玩?除左鼠糧有冇俾第d野鼠鼠食?
如果非一籠多鼠,都可以留意返以上及之前回答既野,睇返上文最尾俾你參考既知識,睇下會唔會有d咩係養既時候方法錯左,了解多D諗返有冇D咩有問題先再養會好D

首先,你沒有說明三隻倉鼠分別養了多久?我女兒曾經開始時有2隻,後來開支散葉,最高峰時候有17隻.3年下來,如今剩下3隻.近半年死得最多,試過一個月死掉4隻.但據我所知,一般倉鼠的壽命就是這樣子.

照你上面所寫,似乎倉鼠的情緒很不穩定,一是煩躁不安,一是悶悶不樂,可能跟你養倉鼠的環境有關.你試看一下是否環境噪音很大,或者有外來的騷擾?

另外,據我所知,鼠科動物大部份都是夜行的,日間反而是牠們的休息時間.如果你日間不讓牠們休息,對牠們的生理時鐘而言,並不是好事.

我想又未必是關同倉鼠有無緣或黑唔黑仔的事, 可能有些技巧未能掌握, 我其實不太認識倉鼠這種動物, 可能可以去寵物店請教一下, 也許可以知道多一點.

咁樣証明左你同倉鼠無緣,你3隻養,3隻都死(好黑仔)。