我入行做會計有無前途?

(1) LCC LEVEL II + HKCEE MATH 拿 C + A/C 拿 C 可唔可以入行?

十年前我係用LCC LEVEL II + HKCEE MATH 拿B入過行(讀理科,冇考過會考A/C), 但係十年前D公司已經開始PREFER 請 LCC LEVEL III, 十年之後的今日, 要求多數會高咗, 你可能得可能唔得, 而成功機會的關鍵唔係HKCEE MATH 攞咩, 而係HKCEE Eng 攞咩, 有D朋友同我一齊考到LCC LEVEL II, 但係入唔到行, 因為會考英文唔合格, 你既然係做Merchandiser, 會考英文多數係D級或以上, 如果真係, 你成功機會大.

十年前老闆請咗我之後, 佢主動同我講, 我睇中你係因為你中英打字快(每分鐘四十字), 會計雖然弱D, 但係電腦有科技學院個High Dip, 有利公司將存貨系統電腦化, 所以會計弱都可以接受. (當年我都係25歲, 而我會考英文只係攞E)

總結即係: 你要練好D中英文打字(如果本身麻麻), 學懂MYOB...等等的會計軟件, 咁樣就算得LCC LEVEL II, 都會有機會, 但係最好考埋LEVEL III. 如果中七會考英文已經有D, 適宜申請大公司初級會計職位, 因為大公司更重視英文, 如果你會計弱但英文勁, 一樣會睇重你.

(2) 以前果2年當唔當係工作經驗?

梗係當啦, 不過唔當係會計經驗, 如果有份工個廣告寫2年工作經驗, 佢多數係暗示緊最好有2年有關會計的經驗, 你可以响履歷注明你份Merchandiser 要做簡單會計工作, 咁樣可以增加被聘請的機會, 但係由於你這2年唔係正式會計, 人工方面仍然會當0年會計經驗計算.

(3) 唔做ACCT FIRM, 唔做AUDIT FIRM, 淨係做公司會計有冇前途?

有, 不過人工梗係底D啦! 但係ACCT / AUDIT FIRM 好忙好大壓力, 旺季時甚至經常訓唔夠6個鐘, 公司會計就易應付好多, OT少好多, 而且公司會計比起其他行業來說, 人工絶不遜息, 年資多咗, 人工一樣加好多, 所以無需擔心, 不過有一樣嘢你要知, 就係公司會計通常唔請男人, 十年前的我是特殊例子, 如果你係男性, 就要練好D英文和普通話準備做AUDIT.

(4) 如果考完LCC LEVEL III, 再讀ACCT HIGH DIP, 再考ACCA其中幾張卷, 35歲前使唔使擔心前途?

如果照你E個計劃, 一定唔使擔心前途, 因為已經好勁. 但係你要留意, 如果你讀o既A/C High Dip係特區政府認可的話, 讀完已經豁免咗6張卷, 跟住你又話再考多幾張ACCA o既試卷, 嘩! 咁樣你未夠35歲已經成為註冊會計師, 到時應該係你要擔心吓我o既前途先啱!

(5) 你的市價幾多?

你在會計行業的市價係$6500左右, 因為會計行業初入行o既個個都咁低, 兩年經驗之後開始加千幾二千蚊人工, 之後經驗及學歷多D重有得加.

(6) 實際建議?

揾到工先好離職走頭.