「斑馬知識+挑戰 」究竟中國自稱「四大文明古國」是否名不符實？

四大文明古國係指美索不達米亞、埃及、中國同古印度係人類歷史上最早出現既先進文明，雖然佢地係地球上先後出現，但由於佢地都各自獨立發展出黎，互相之間無關係，所以話佢地係文明古國，呢啲係國際學術既共識，絕對唔係老笠。點解﹖因為呢幾個古文明唔單止夠耐，而且文明程度仲勁高，唔係一般其他民族可以比得上。

樓上講既蘇美爾文化其實係美索不達米亞文明最早既部份，亦係人類歷史上最早有文字同城市既文明，係8000年前蘇美爾人已經有上述既文明，後來蘇美爾沒落，先至有新舊巴比倫、亞述等文明，波斯無錯係好偉大，但係已經係嗰區極後期既文明，所以佢唔係最早既文明。

埃及就唔駛多講，10000年前尼羅河沿岸已經有文明出現，係大家公認既文明古國。至於希臘，就絕對無得同中國及古印度比。古希臘乸埋就風濕話自己有3500年歷史，但其實呢個講法有問題。古希臘既黃時代，即係大家比較熟悉既雅典、斯巴達爭雄既時代其實係公元前4、500年左右，到而家只有大概2500年，當時中國已經係春秋戰國，而印度亦已經繁榮左2000年。希臘人將係佢地之前既邁錫尼文化都包括到自己既歷史入面，先至有3500年歷史。但其實邁錫尼文化有幾先進﹖佢地雖然有好勁既航海技術，不過整體文明水平唔係好高，無好複雜既城市、工藝品、文字等，但同時期既中國已經係開國好耐既商朝，殷商既文明唔駛講梗係勁過邁錫尼文化九條街，而印度既城市係四千年前已經有下水道既複雜結構，同樣勁過邁錫尼文化廿倍，而且計中國歷史既時候仲要唔計唔係好肯定但應該有一定根據既黃帝、堯舜同夏朝文化嗰2000年文明，如果計埋，中國既文明至少有5000年，所以希臘文明的確非常光輝燦爛，但如果同中國及古印度鬥早鬥先進，希臘文化拍馬都追唔上。

2008-04-03 23:48:32 補充：
拜託樓上位仁兄唔好亂吹水。你竟敢話印度係伊斯蘭國家，如果比十億印度人聽到你話印度教可有可無你都幾唔掂。另外，四大文明古國都維持左好多年，中國由出現到依家5000年，蘇美爾文化超過2000年，古埃及3000年，古印度都有2000年，如果過千年既文明都唔夠長，我就真係無野好講。

如果印度係伊斯蘭國家，佢同巴基斯坦就唔洗打餐死．

正如上面位人兄所講,比黃河文明更耐歷史既文明其實有唔少
例如蘇美爾文明,希臘既米諾斯文明亦都好早期
所以單純依照文明既發跡時期去定四大文明古國既話,中國其實唔應該入圍
但係從另一角度諗,中國既文明係咁多古文明之中保存得最耐,例如儒家思想影響左中國2千幾年,直到現代
反觀其他國家,例如埃及,由亞歷山大帝入侵起,佢既文明已經漸漸消失
古印度既文明到e家已經冇咩影響力,印度已經係伊斯蘭國家,本土既印度教可以話係可有可無
巴比倫更加唔駛講,晨早比人滅左
希臘/蘇美爾等等都係同樣道理

試諗下,如果一個文明雖然好早出現,但係維持時間極短,佢可唔可以稱得上係一個偉大既文明?個人認為唔可以
就呢點上黎諗,華夏文明的確有著其他古文明都比唔上既優勢地方
所以從呢個角度上諗,中國被列為四大文明古國,其實係十分合理