超急！收到律師信(20點)

我以前都比呢D旅遊公司騙過, 勁煩, 你唔好比錢, cut左張信用咭, 佢係咪唔比你開電話, 又搵人跟你去廁所? 總之唔比你搵朋友問意見, 佢地咁樣做係有問題!
如果你冇錢, 你可以去你個區意員辦事處, 佢地會比D法律意見你, 佢地會問你點解會簽約, 你就話自己唔識咁多, 你想攞份合約返屋企睇, 但佢地唔比, 個時佢地D人係咁夾住你, 唔比你走, 你係向壓力下簽約, 驚唔簽佢地就唔比你走, 因為如果份合約係你向壓力下被迫簽既, 就會冇效, 至於要唔要報警, 你可以問下d佢地意見!
再寫信去各大雜誌投訴個間旅遊公司, 我個時都攪左二年, 一出門我就後悔, 覺得比人騙左, 所以就CUT CARD, 跟住不停收到律師信, 佢地唔敢搵人收你數, 夠胆佢就死更, 到時大條道理告佢恐嚇, 總之一收到收數電話, 你就同收數個條友講, 我唔知你係邊個, 我好驚, 我覺得你恐嚇我, 我要報警, 咁佢就唔敢再嚇你!
後來因為多人投訴, 個鄭x富先出來講二句野, 結果果間公司就取消份合約, 咁件事先完結!
冇辦法KA LA, 係要咁樣先得, 個時勁煩, 心理壓力大到想死, 以後要我簽名既文件我都要攞返屋企慢慢睇, 唔比就唔簽, 經一事長一志, 以後我都唔理d不知名公司話做咩問卷調查, 做左送咩, 叫我上去攞!
你要頂住, 唔好比呢d公司得戚!

估佢都不會為幾千蚊請律師告你掛,你估律師費平咩?出信(幾佰)只係想嚇你,你直接同佢地傾你無錢,最多放棄取回已供的錢。表明若他們再纏擾恐嚇,你會到消費者委員會投訴間公司。呢d係旅遊公司同財務公司的分別在前者(記憶中)先每月付出金錢供款後有每年可多次在各地旅遊住酒店吾駛錢優惠....財務就是借錢俾人後追數,人地真金白銀借出,追數也正常!但你未有收取過利益,即使簽了約都沒有引致這公司有任何損失嘛?佢地仲要搵食斷估吾會玩大件事的。但你真的要到消費者委員會投訴和舉報呢間公司。好讓所有人不要跌入圈套。