✔ 最佳答案
我去北京旅行嘅時候，都有到北京同仁堂，買過佢地啲藥丸。當時售貨員告訴給我聽，如果將來要再買藥丸或其他產品,你可以先聯絡佢地，佢地會先幫你預留貨品，並給予付款清單以及付款手續安排嘅資料。其中一個付款方法，你係可以經香港嘅中國銀行滙款比佢地北京嘅戶口，當佢地收到你付款，佢地就會安排將貨品寄給你。
所有訂貨嘅詳細細節，請聯絡佢地。
北京同仁堂嘅聯絡地址、電話、傳真、電郵如下：
地址：北京市東城區王府井郵局099信箱 郵編：100006
電話：0086-10-85115596 0086-10-65594144
傳真：0086-10-65254300
電郵：
[email protected]
2008-04-04 01:05:06 補充：
咁你係咪用我以上嘅聯絡地址、電話、傳真或電郵去聯絡北京嗰邊啲職員？
因為我依家手上啲單張資料，係當時喺佢地嘅舖內派比我嘅，你或者可以用我以上嘅聯絡地址、電話、傳真、電郵等，聯絡佢地問問佢地，証實嗰個人嘅身份，係咪真係佢地啲職員，甚至再次 clarify 佢地嘅付款方法等。
而我嗰張單張上面，醫師有寫低佢自己個名，叫于希堯。你可以問吓係咪仲有呢位醫師存在。
如果嗰邊職員給你的收款戶口真是私人名稱,而不是北京同仁堂公司名,咁你就要小心啲，要 confirm 番嗰邊其他職員，係咪真係會用咁嘅方法去付款。會唔會嗰個職員為咗私底下賺外快？又或者北京同仁堂容許佢咁做可以分佣？
2008-04-04 01:05:22 補充：
點都好？最緊要嗰個職員會唔會係用緊佢自己嘅名義去幫你買貨？所以將佢自己個戶口號碼比你，叫你滙款？同埋北京同仁堂係咪真係容許佢咁樣做！
仲有一樣嘢係極之重要嘅，就係你無論以咩途徑去付款都好，你一定要確保所收到嘅要係北京同仁堂嘅正貨。所以，你或者再花多一啲時間，用我以上嘅聯絡地址、電話、傳真、電郵等，去再問清楚吧！
2008-04-05 01:50:58 補充：
咁你有無問過于希堯醫師，還在那裡診症嗎？因為當時係于醫師幫我把脈診症的。
若果您再三 clarify 過真係咁樣，咁有可能佢地真係用緊佢自己嘅名義去幫你買貨，而北京同仁堂亦容許佢地咁做，方便職員可以分佣喎！
2008-04-05 01:57:42 補充：
既然你都有同一樣嘅單張，咁應該佢地好大機會會係咁樣做。
最緊要嘅係一定要確保所收到嘅係北京同仁堂嘅正貨。
2008-04-05 02:03:00 補充：
也許我嘗試幫你問問打聽吧！我再留言給你！
2008-04-06 02:17:10 補充：
我今日幫你問過我啲同事啦！佢地話嗰邊啲職員咁樣抽佣事少，最緊要係啱價錢，仲要係收到嘅係北京同仁堂嘅正貨。假如你願意搏一搏嘅，佢頂多都係扼你一次啫，而且佢咁樣去扼咗你，以後就再無幫襯，佢地咁做值得嗎？
所以，我同事建議你，可以嘗試喺買貨嘅時候，初期唔好有買得多就越著數嘅心理，第一次用呢個途徑去買貨，唔好一次過買得太多，亦唔好貪小便宜要蝕底啲，就算真係出咗事，損失還是有限！到你試過兩三次之後，真係有信心，先至考慮買多啲！
老實講，我反而建議你，若果你有親戚朋友上去北京嘅時候，直接拜托人家幫你到北京同仁堂入貨，咁就一定買得安心！
我買第二個療程所服食嘅藥丸，亦係托人家直接到北京同仁堂入貨的。
2008-04-07 02:08:29 補充：
我以前經常有腰酸背痛，以及容易疲倦嘅問題。我喺唔同嘅場合，見過幾位中醫師，佢地都不約而同，同樣診斷出我主要係腎虛，需要調理才可以改善問題，我一直都係半信半疑。直至我喺北京同仁堂見到于希堯醫師嘅時候，佢都係話我嘅問題，主要係由腎虛所引致。佢推介咗我買3盒補腎益壽膠囊，我食咗三個月左右，自己感覺真係精神咗，無咁容易見攰，腰酸背痛嘅情況亦都大為改善。然後我再依照佢嘅指引，再托人到北京同仁堂買咗二盒冬蟲夏草調理進補，效果更加顯著。
2008-04-07 02:10:46 補充：
雖然啲藥丸無喺香港註冊,但係佢喺北京同仁堂嘅出品，品質會有一定嘅保證，毋須太過擔心。我建議你母親食過見效嘅，就不妨依照嗰邊啲醫師嘅指示去服用，並且要定時做好身体檢查，出問題嘅機會就可以大大減低。
2008-04-07 02:11:54 補充：
正如于醫師所講，你用過藥係見有效嘅就應該繼續療程，以達至最隹效果。佢仲話我嘅情況，就算我將來怕貴唔想食佢地啲冬蟲夏草，亦都要自己買冬蟲夏草 keep 住食。所以我依家久不久都有煲一啲湯水補補。
2008-04-09 00:52:35 補充：
托導遊幫你去買，亦不失為一個好方法。希望你媽媽能夠依照醫師嘅指示去服用藥丸，改善体質！
