成日都係得一個人...

🕵🏻‍♂️ 探討台心理學

嘻嘻嘻...

2008-04-03 5:26 am

這幾個月,我開始學會了...
一個人去街,一個人食飯,一個人做運動,,,
而且仲會搭一般人少搭既車去街...
我咁樣做會唔會好怪?!

1)這些活動同朋友一齊做有d乜野分別?!

2)其實一個人去占卜有沒有問題?!

3)有時候覺得自己朋友太少了,,,所以我都寧願自己一個人去街,,,有咩方法可以令我多d朋友?!

更新1:

我講錯佐,,, 應該話係搭一般人少搭既車遊車河...(即係冇空調既車)

更新2:

我開始覺得... 如果唔想被傷害,,,就應該封閉自己,,, (無論係朋友定係感情上都要咁樣...)

回答 (6)

美香

2008-04-05 4:02 am

✔ 最佳答案

你呢種情況,我都經歷過...覺得自己做野,更快,更好,又唔駛煩.不過原來係唔好嘅.有時,想自己一個人,休息下,休閒下,咁做係無可厚非,不過長時間係咁,就唔好哪,人始終係要過群體生活,比如讀書時,你成日都一個人.咁你就唔會學識點同人相處,.比如互相幫助,關心別人,為人切想等等.咁你就無晒呢方面嘅經驗,到左你出社會做野,你點樣同公司嘅合作做事.或者工作上關係,你要跨區,跨國去同人協商,所以呢,我地有時覺得同人相處,好多野好煩,但正正係咁,你就係要學會處理,當然,過程中,你有時會唔如意,不過咁係令我地增加抗逆能力,所以堅強意志,毅力.判斷力,分析力等等都係係過程中磨鍊出來...
我朋友工作太辛苦了,所以佢自己去左日本一星期,我覺得佢咁做係好嘅.因為佢唔係逃避,係休息....
同朋友一齊做野,同自己當然係唔同,兩人一齊,要學會協商.自己嘅就無咩所謂哪..係唔係....
放開懷抱,踏出你嘅第一步哪

參考: 經驗

👍 0 👎 0

YI LING

2008-04-03 6:46 pm

你覺得自已好怪嗎? 我唔知你係咪自已一個住, 我就係, 我日日都自已行街, 睇戲, 食飯, 有時悶都試過自已一個坐船去長州, 試過在閒日自已去卡拉OK啦, 死啦, 我又唔覺自已怪噃, 不過有時節日會覺得悶喲囉, 做人要學習自已自處麻, 就算朋友好多, 人哋都無可能成人陪住你啦, 唔好想埋一邊....... 如果你想職朋友, 你咪留下你MSN or E-mail 俾我囉...

👍 0 👎 0

tin

2008-04-03 6:12 am

想問你系唔系學生先？
其實敢樣做已經有獨立自己的意向了，動物都需要伴了，何況是我們人。多一點參加團體活動，多一點與別人分享自己的事物是好的。人與人的相處中可以得到一些社會經驗，自己心情又會開朗，何樂而不為？
什麼事情都好，都需要自己先踏出第一步。先去接受身邊的人，會有人接受回你，什麼事物都是相互的。

👍 0 👎 0

Robert

2008-04-03 6:10 am

你咁做法其實一d都唔會怪,你要知道在這個社會裏,單獨一個人住和做乜嘢都係自己一個人的大有人在,他們就是社會上俗稱的 "獨居人仕",佢哋就真係做什麼都係自己一個人,就算食飯和做任何事,所是一個人,若果你咁都話怪,難道他們就全部都係怪人嗎?其實一個人也有著一個人的自由和空間而無須受到他人的管制。同其他人一齊做時的分別就係多了談話的對象,亦不否認,當然有多一個人就係有得傾訴和商量,但另一面來看,爭執和不和亦會因兩人的意見不同而發生。一個人去占卜當然沒有問題,因為占卜關于私人的問題之時,就更想自己一個人知道而不想有外人在塲。若果你想多d朋友,你可以去做義工的工作,因為在那裏你一定會認識到一班義工的朋友,又或接受幫助的對象亦可成為你的朋友,義工那裏的朋友就任何年紀都有,我就覺得當著義工既可幫到人,自己亦可從中識到更多來自不同背影的朋友,這正是一個一舉兩得的方法。

👍 0 👎 0

[匿名]

2008-04-03 6:10 am

你應該盡量同多d朋友一齊出街，
多d正常o既社交活動咁就得架喇!~

參考: 自己

👍 0 👎 0

用戶34950

2008-04-03 6:06 am

唔會好怪,一個人去街,一個人食飯,一個人做運動,正常!
1)這些活動同朋友一齊做會happy D!!!!!!!!!
2)一個人去占卜is not 太good!!!!!!!!!
3)You Can Join Some Activities To Make Friends!!!!!!!!!!!!!!!!!

(搭一般人少搭既車去街??????Which 車 is 人少搭既車??????)

參考: me.....................................

👍 0 👎 0

收錄日期: 2021-04-23 17:50:47
原文連結 [永久失效]:
https://hk.answers.yahoo.com/question/index?qid=20080402000051KK02608

檢視 Wayback Machine 備份