倉鼠咀上生了瘡.....

可能係瘡or腫瘤,呢d係一定要搵醫生處理,有d問題真係需要求醫先得既
識醫鼠既獸醫係可以幫到鼠鼠既,但的確香港識醫鼠既醫生唔多,有d唔識醫鼠既可能會處理得唔好,都有睇過話唔識醫小動物既獸醫,只會按體重既比例,將貓狗既藥物去醫治小動物,而且有d獸醫唔想同小動物做手術,就會出現好似拖既情況,要知道同生理代謝同心跳快既倉鼠做手術,係好花功夫,亦都需要特別既儀器

因此,在鼠鼠病既初期,去揀一d口碑較好既醫生,應該會好好多既,當然冇醫生係包醫好啦,但自行用藥去呢d咁嚴重既問題,真係好危險,仲要用人既藥物,真係可能少少都可以殺死隻鼠,就算有人咁答你用咩藥,相信你都未必夠試吧?

呢兩樣情況都需要較多儀器,可以到大圍度睇:
最出名醫鼠既係呢間,但就較貴:
大圍珍禽異獸及寵物醫院 DR.TIGER
Tel: 2687 1030地址:大圍積信街75號地下
http://www.taiwaiexotic.com/

另外以下既醫生都唔錯既:
旺角動物診所 - 梁醫生
九龍窩打老道66號A地下
電話 : 2760-1026

夏利維動物醫院 - Dr. Chris,Dr. Michael
天后永興街37號地下
電話 : 2570 6048

A.鼠鼠生粒,林林地係瘡,硬既話就係腫瘤,兩樣都要盡快睇醫生先得,雖然好多時初期鼠鼠較少會好累好病咁,但唔好以為咁就冇事,因為鼠鼠壽命短,新陳化謝快,d病毒都會忽然行得好快,到嚴重既時候先去處理,就好難救得好了

瘡既話,最好在爆之前就處理好,唔係既話,爆左就好麻煩,好難好返.
獸醫可能會幫鼠鼠放膿,要唔要放就要睇實際情況先知,由於有細菌感染,應該就會用抗生素治療.如果係用抗生素既話,必須定時服用晒所有抗生素,絕不能中斷.

腫瘤既話應該會照下,再做手術整走佢

放膿or整腫瘤都要落麻醉藥(放膿要睇位置同情況),所以如果你隻鼠年紀大既話,就要考慮清楚先好決定,老左既鼠好難承受到麻醉藥既.

B.睇醫生可能要book or如果未即時去到既話,可以做住以下既野先:
1)有第隻鼠既話要分籠,患病既鼠被第隻鼠乘虛打死(鼠鼠本身係獨居動物,其實咩情況都係一籠一鼠較好),加上多一隻鼠易令生病既鼠多一分受細菌感染既機會,而且佢地好可能已打交
2)保持環境乾爽清潔,避免有更多細菌再令鼠鼠受感染
3)唔好俾風直接吹到鼠鼠,要鼠鼠保持溫暖
4)俾一d有營養既野佢食.可以試下俾d麥片or白麵包佢
5)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既