請問(宏華集團 0196)是問題股嗎?上市後一直下跌都沒升過,可否有專業人士解答,萬分謝謝

首先，要知道一件事：理論上，只要公司基本質素良好，股價會拾級而上。但令股價上升的是信心 + 錢，只要市場對整個投資市場冇信心，認為金錢至上，然後從股票中抽走資金，咁就咩實力股都會死。
睇番依家港股，外圍風雨飄搖，美國阻兩三日又爆一單大撇帳消息，歐洲又不時講話經濟增長放緩，大陸又話星色星期一二三，你話香港作為全世界資金的匯點之一，又點會唔受到咁多利淡消息影響？市場其實係一樣好唔理性既東西，但偏偏佢又係主導市場的因素。面對環球市場咁多問題，好多人覺得買股票唔安全，又或者等錢使，就會抱住「寧願唔買，都唔好買錯」的心情，咩都沽貨，反彈又沽貨，急跌又沽貨，之後好多個心好硬的人見到個價不斷跌，就會驚埋一份，加入沽貨行列，結果就令到股價不斷下跌而唔識反彈。
以上我講緊的情況就係#196的情況，大家唔理咩鑽油台生產商，即使石油開採量在油價高企時會不斷增加，#196可持續接到生意等因素全都唔理，現金為王。其實唔單只#196, 相關股份#2883都係一樣，弱勢至極，好難彈起，亦係同樣原因。
另外，仲有一個因素影響信心，就係股價上市時間短，一來冇過往走勢參考，市場係摸住石頭過河；二來對公司的印象只停留於招股書上，唔夠真實，亦令市場覺得難以捉路，避險意識就更高。
總之，你要時刻記住，市場氣氛及信心對股價影響更大，因此如果短線炒賣就要留意呢樣野，至於長線就完全可以忽略短期走勢。睇番宏華，基本因素唔會係上月後個幾月就改變左，因此你的信心不應動搖，只要等大市氣氛好轉，股價亦會自然轉好。因此，我會建議你繼續持有，起碼揸到第一次業績出左先再決定去留。

2008-04-02 22:04:13 補充：
＊＊希望發問者能盡責，選出心中的最佳者，以免浪費好答案和作答者的心血。

有信心都變冇信心啦,最佳例子便是A股,很多人瞓哂成副身家去買,唸住實賺,誰知又話資金自由行急剎車,又話調控這,調控哪,演變成假大空,好心做壞事,累人輸錢.攪得咁辛苦,不如唔准人買重好啦!而家益咗班大鱷,害咗班散户.........
中石油大龍頭都跌成咁既衰相,其它乏善足陳.........
一句講哂,等運行.........