我的倉鼠生左bb了...要唔要拎走個轉轉?

樓上有d野唔同意,而且問題較嚴重,希望網友唔好介意及可以參考一下:
1)鼠鼠生bb情緒會好緊張,如果改變環境,仲要改到好細,鼠鼠感到既壓力就更大;我用既籠係兩層,再有得上兩個瞭望台,都幾大下,細個唔識都有繁殖鼠,大個d唔小心買左隻已懷孕都有生bb,咁大既籠都唔覺得鼠媽照顧上有咩問題
2)係要俾鼠媽飲奶,但要係奶粉沖既奶,因為牛奶好易令鼠鼠肚瀉
3)唔可以俾蔬果俾鼠媽媽食
水果好快就會變壞,要成日留意同更換,會令鼠媽媽緊張
平日我都唔建議俾蔬果俾鼠鼠食,因為就算好少都易令鼠鼠肚瀉,呢個鼠媽媽身體較弱,更加唔可以增加呢個風險,詳細原因可參考以下我回答既知識:
http://hk.knowledge.yahoo.com/question?qid=7008022103115

A.轉輪係唔需要拎走,其他物品都需要保持返原貌(除非你用既野都係好危險,咁就係唔係生B都要改善),咁會令鼠媽媽情緒安定D

鼠媽媽如果將鼠B放去轉輪度訓,一般都唔會再跑個轉,除非你做左D咩令佢好緊張而放棄鼠B,唔係既話鼠媽媽係會懂得處理
而當鼠B大到會出去行之後,鼠B係會學習媽媽去玩轉輪

B.唔知你話準備好係準備左d咩,生b後要留意既事可參考以下我回答既知識:
http://hk.knowledge.yahoo.com/question/question?qid=7008031902020

其實鼠鼠最好分籠,繁殖鼠鼠會有好多問題,希望你之後可以考慮唔好再繁殖鼠鼠啦,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

我記得以前我對倉鼠生左6~7隻BB, 但係唔知點解一隻隻咁DIE左, 有D仲失左踪, 我地懷疑係個呀媽食左自己D BB!
真係好TERRIBLE!

懷孕中的雌鼠大多都較神經質，會攻擊雄鼠或同一地盤內的其他倉鼠，有些過份緊張的雌鼠甚至會咬牠的主人，因此當發現倉鼠懷孕時，應立即為雌鼠製造一間育嬰房，市面有些十多元的手提籠子是最適合不過，你亦可以自製一個約5吋X 7吋不易咬破的盒子，上面記得設有足夠的氣孔，( 要確保鼠鼠無法逃走及有充足的空氣才可 ) ，較細小籠子的好處便是 : 雌鼠將來更易於照顧BB。

在育嬰房內要置清潔的食水、食物 ( 除日常的食物外，最好給多些高營養食物，補充蛋白質及鈣質等例如：牛奶、芝士、小魚乾、市面亦有懷孕倉鼠專食的一些補品及隔2~3天給極小量的蔬果等等，直至BB長大後一至兩星期。) 、多點木絍以便雌鼠製造小窩，切勿將轉轉輪、小屋及其他玩具、雜物等放入育嬰房內，盡量將育嬰房放在家中較安靜、空氣流通而不當風的地方，不要騷擾牠。
( = 你的問題 : 轉轉輪當然要拎走埋啦!!)


最後提提你 :

倉鼠BB出生後，兩星期內切勿更換育嬰房的所有物品，尤其是木絍等墊材，在BB未開眼及長毛之前絕不能抱起或是捉摸BB，因為鼠媽媽是靠氣味來分別自己的子女的，在鼠BB未有毛之前，所有外來的物件包括人手上的氣味，都會直接沾上倉鼠BB的皮膚上，一旦被鼠媽媽聞出倉鼠BB身上有別的氣味，牠便會誤以為並非自己所生，又或是誤以為是外來入侵者，計而將倉鼠BB殺死或不再餵哺，因此在倉鼠BB未開眼及長毛之前，絕不能抱起BB、捉摸、更換籠內任何一件物品、或令鼠媽媽受到任何驚嚇!!! 否則，便可能會將所有親生仔女咬死及吞下!!! 切記!!!切記!!! 至於每天的食物安排，無須移開食物碗的，只要慢慢地將食物逐一添加在食物碗上便可。

我諗你呢段時間最好就拎走佢喇... 因為你唔知倉鼠媽媽會拎D bb去邊架嘛... 一陣佢拎左入個轉輪到.. 一跑... 咪死梗!??!
仲有呀.. 你唔好用對手去捉Dbb 呀... 我聽人講話如果媽媽聞到唔係佢地D味會以為個b 唔係佢... 分分鐘會咬死佢架!!