什麼是跨國企業

跨國企業(mutlinational corporation, MNC)，顧名思義，指業務橫跨多個國家既公司。
呢類公司之所以選擇跨國發展，原因有幾個：
1. 可以享受其他國家既稅務優惠，例如中國就以此來吸引外資。
2. 認識其他國家既市場，以盡早將`公司產品打入其他國家既市場，增加營業額。
3. 分散風險，將所有公司放於同一個國家，如果該國經濟蕭條，天災人禍，就會對該公司產生破壞性既影響。
4. 基於各地文化差異，開設MNC，請返當地既人做管理層或員工，可以透過佢地黎將公司盡早適應當地文化風俗，增加效率。
5. 設立MNC，咁MNC所生產出黎既貨品就係當本地貨品處理，可以避免繳付高昂既關稅。
6.可以較便宜咁運用其他地區既天然資源。
同時，對該地區黎講，亦有得益：
1. 多外資投資，會令地區既經濟發展迅速。
2. 通常MNC係技術先進既公司，管理優良，透過MNC請當地人黎做野，可以令該地區的產業技術同埋管理技巧上升，MNC用以生產既機器，亦提高該地區既機器水平。

3. 增加該地區既就業率。
4. 多左MNC，多左利得稅收入，令政府收入增加。
5. 增加該地區對世界既接觸。

但亦帶來壞處：
1. 由於MNC所賺取既收入係屬於其他國家，咁會導致資金外流同埋減少GNP。

2. 多MNC，變相對本地工業保護減少，萬一大量MNC撤走，本地工業未發展，因而對該地區既工業發展有相當壞既影響。

3. 市場容易被MNC主導，資源亦會被MNC濫用，而該地區既人民可能較MNC所屬國家的人民要花昂貴既價錢來買MNC既產品。


希望幫到你。