鍍鋅、鍍鉻

1.鍍鋅、鍍鉻用途唔同，無得直接比較，如果只計保護底材能力，鍍鋅會好D：
～鍍鋅主要用於鐵件防銹，外觀普通而且易變色，不過就算鋅層變色什至受損，底層仍受保護。
～鍍鉻注重外觀及保護力，通常係鍍銅、鎳、鉻，保護力要睇成個組合，如果銅、鎳鍍得差或者受損，保護力就差，普通鉻只可以保護外觀。

2.無論係三價定係六價，鍍鉻後都係零價，所以分別不大。三價鉻鍍液易受雜質污染使鍍層變黑，不過三價鉻鍍層會比六價鉻厚度分布均勻（行內叫“走位好”），而且較環保。
~鍍六價鉻只需用基本材料，普通技術就得。三價鉻需要特別材料、技術、設備，成本貴好多，貴幾多要睇藥水供應商而定。
~三價鉻係睇客戶需求先至做，將來會有好多公司要求電鍍過程中不用六價鉻以乎合環保要求，三價鉻會越來越多，但不是流行，是被逼。

3.鋅鈍化中，三價鉻比六價鉻差得多：顏色、保護力、鍍層要求...都係六價鉻好，用三價鉻又係環保要求。

4.鹽霧測試時間係客戶要求，好多產品spec都係跟ASTM用鹽霧測試做標準，要求產品pass XX小時去代表耐用性，單睇數無意思。

2008-04-05 23:53:30 補充：
(1)製作過程中六價鉻比三價鉻多點污染，成品是零價，不會污染環境。
(2)正確，三價鉻鍍鋅鈍化有藍白色、彩色、和黑色，沒有綠色。而且三價鉻發黑效果差。
(3)六價鉻和三價鉻分別不大，六價鉻可能好D，但我唔肯定，Sorry。
(4)以重量計價應該是滾鍍，滾鍍計價要睇工件面積/重量比，例如薄片就要貴D，大件就平D。六價鉻綠鋅$2/kg應該唔貴（藍鋅/彩鋅都要個幾，綠鋅仲會貴D)，三價鉻發黑因為難做，藥水貴(有銀，銀價又高！），加上人仔高水，廠叫貴D唔奇，難有準則。