我想要蒸蛋心得

蒸水蛋分兩種，第一種是淨水蛋，沒有肉；第二種則是有肉的水蛋：


第一種淨水蛋：
1. 通常若不是太大食的話，都是一個人蒸一隻蛋的份量，假設是兩個人食，就準備兩隻蛋。方法是先打兩隻蛋，再加入清水，份量是半隻蛋殼的水量ｘ８次（即每隻蛋加入半隻蛋殼的水量ｘ４次，如此類推。），之後再加入少許幼鹽及生粉攪勻即成。
２.將蛋漿倒入一隻淺身碟內（盡量避免用碗，因為很難熟。），用匙羹「畢」走蛋面的氣泡。另外用鑊煲水，待水滾後將蛋漿放入鑊內用大火蒸約三分鐘即成。


第二種有肉水蛋：
１.買十元豬肉剁碎（如果嫌多可以用一半豬肉），順序加入適量生抽、糖、豆粉及麻油醃約半小時，再鋪在一隻薄碟內（盡量鋪薄一點，切勿大力壓實。），此外用鑊煲水，另一方面如上文準備蛋漿備用。
２.當水滾後先放入肉餅蒸約五分鐘，夠鐘後將肉餅內的肉汁倒落蛋漿攪勻，再將攪勻了的蛋漿倒回肉餅面，用匙羹「畢」走蛋面的氣泡，之後用大火蒸約三分鐘即成。

呢位朋友: 肉碎蒸雞蛋巳經好容易{粉絲蝦米,三色蒸水蛋再要小心d}

出錯問題:{ 1 } 波濤起伏-,水少, ~~~~~ { 個答案向到 }

{ 2 } 仲一個個洞..又叫蜂巢,係你火猛,水少,或者蒸得耐左

{ 3 } 有時裡面仲有水.....係因為你火猛到d 蒸氣散唔到,d雞蛋飽和了

d熱力即係熟過頭同有水向個面到,d雞蛋應該食落有d奀,

唔好猛火蒸改用中火蒸,水 要 多D,如果用器皿打蛋就 1 比 1 多 3 份 1 水度啦,記得唔好火猛呀,基本上蒸水蛋大約 8 至 10 分鐘度架咋,

如果你蒸得快人咁多你應該出左問題:

註: 粉絲同三色蛋就要再多D水,如果成功蒸得好的水蛋手用小小力推下隻碟應該係可以浪浪下,{質感好似布甸咁}