Sony A350 好嗎? (20!)

1.我覺得新手用A350都幾好.佢有機身防震,你以後真係想玩下其他題材的話買鏡頭可以慳翻唔小.又有反mon同quick live view,影高低角度都好方便.對焦亦唔會慢咗.缺點係閃燈同步快門同連拍比較慢.仲有Sony冇大光圈平價定焦鏡,要玩淺景深就要二千幾蚊既50mm f1.4.呢個價錢你仲可以買到Nikon D60同埋400D,不過佢地如果將來相加大光圈zoom鏡會要用好多錢.
D60冇機身摩打配鏡會比較麻煩,同埋得3點對焦,影動態唔好用.
400D其實都唔錯,冇乜特別缺點,係冇機身防震同埋live view,如果唔介意將來買鏡貴都可以考慮.
2.你呢個預算恐怕都只可以咁買,我會建議只買單鏡套裝,即係只包18-70mm f3.5-5.6的,其實兩支kit lens真係麻麻地,用料好差下,只係求其做到個焦距就算.不如買一支試下先,睇下自己需唔需要買好啲.到時就算真係想買長焦距cheap鏡,其實市場上都有的,唔駛驚買唔到.不過一次過買晒也無不可.如果你想一次過買好啲,我建議買機身配Tamron A16,即係17-50mm f2.8嗰支,有恆定大光圈而且畫質有保證.
3.買機身加18-70mm套裝約$5490,雙鏡套裝約$6590.機身加Tamron A16約$7470.