我隻倉鼠走甩左

其實倉鼠唔係想像中咁"粗生",餓一兩餐都已經可能會血糖過低,因為鼠鼠既身體細小,根本就冇咩脂肪俾佢消耗,所以千祈唔好諗住佢走左餓下都冇事,不過鼠鼠都會自己去搵野食,但出到去胡亂食野,又或走左出去都係十分危險,家居都危機四伏,一定要盡快搵返佢呢

隻隻鼠呢埋既地方唔同,我之前既鼠就試過呢去床邊既罅,都試過呢去廚房d邊位,都試過在我房門口等我.梳化下都有可能,總之在d幽暗位搵下,鼠鼠都係鍾意呢埋同鍾意暗既.我唔知你屋企係點,所以都好難話多數咩位置.而且小心有冇開過門or有咩位俾佢走到出街呀.出左去就搵唔返架啦.

鼠鼠走佬尋找法:
1)走失左你可以去屋企既角落度搵下先,鼠鼠多數呢埋去一d暗既角落,
2)留意屋企有冇d咩危險物品,好似殺蟲蟻既藥等等,要收起
3)仲要關好門,唔好俾鼠鼠走左出去.
4)試下用野食引佢出唻,叫佢名同埋用平日叫佢食野既方法叫佢,等佢知道有野食就出唻.都係唔得既話,可以放d野食出唻,引佢自己出現
5)找尋有冇鼠鼠走過既痕跡,便便or食物等
6)捉返佢既時候要小心,最好有d物品幫手而唔洗直接用手啦,因為佢走過,俾你發現之後情緒會比較緊張,可能會咬人,亦都比較難用手就咁捉到

如果搵返得既話,要好好留意以下幾點:
1)鼠鼠識開門走一d都唔出奇,我以前有隻鼠,開到個瞭望台走佬添,個瞭望台連我都覺得好難開!所以閂好籠既門有時都未必有用,但當然都要閂好啦
2)你可以用d鎖匙扣當做鎖咁鎖住道門,我都係咁做既,當然個扣既位唔可以大,大少少都好易走到,我用既扣都係好細個.有d寵物店都有鎖買,都係一d鎖匙扣咁.
3)都要留意返個籠仲有冇第d位可以走到,倉鼠係出名既逃走專家,一定要小心
4)佢走過出去驚好正常,同佢用沖涼粉整乾淨個身,檢查下佢身體有冇受傷
5)放返佢入籠,放去佢平日訓覺既地方,唔好攪佢,唔好嘈佢住,等佢冷靜d先啦,唔好嚇親佢呀.
6)呢幾日要特別留意下佢既排泄物有冇異常,我擔心佢出去食過d唔乾淨既野or嚇到唔舒服

嘩好驚呀
點會走甩左隻鼠鼠架
小心佢會咬電線呀
鼠鼠餓一個星期都唔會死
重走甩左佢會在你屋企找食物
你小心佢就真
快D找佢出來唔係你有排驚呀

如果走左係屋企到..
你可以放D野食
少佢日日去玩既地方..
佢可能會出黎食嫁..