✔ 最佳答案
小朋友你今年幾大?
你有否考慮清楚你是否應該養貓?
第一你要明白
養貓貓同買玩具唔同
唔係養養下覺得煩、困身、功夫多、成日照顧貓貓、玩到無興趣、
無得去街就可以當玩具一樣掉埋一邊唔理貓貓
因為貓貓也有生命
第二你是否自住
有沒有獨立的經濟能力養貓貓
家中各人是否讚成養貓貓
家人是否願意支付貓貓每月的生活費用
如貓貓病倒家人是否願意支付貓貓的醫藥費
須知貓貓睇一次醫生基本也須要$300 ~ $500不等
養貓前應該同屋企人商量好、要有共識
須知養寵物等如家中多了一個小孩子一樣
唔適合養貓唔該唔好強行去養
你個人的一相情願只會令貓承受不必要的痛苦
及為家人帶來額外的負擔和壓力
到時父母可能會有所怨言
也可能會影響你同家人之間的感情
好多人因為咁而導致棄養貓貓
除非你自己有經濟能力
除非你經濟完全獨立
或全家也贊成養貓貓
所以養任何寵物前一定要 ~ 三思
貓貓的一生約有15年或更久,請做好完善的考慮再決定是否養