IT行業的前景？ ~10分~

有興趣先唔好入IT呢行，你第日一定後悔的
首先你要明白，在一般人眼中，IT = 乜都識
如果你做一般IT Support，所有人都會當你萬能，乜都搵你做 (toner 無粉又搵你，電線甩左開唔到機又搵你，做到你怕)
如果你做程式員，你起碼識最少幾種programme，又要有24*7的工作心態，初入行人工唔好諗住高 (我見過同一個post可以係 6k - 10k，新仔當然係6k....或以下)，又要識得圖像及多媒體喎~否則無乜競爭力.....
我讀完IT做左一年都逼住轉行，同學有成80%以上唔係做IT，更有些忠於IT，搵工搵左成年幾都搵唔到，唯有搵其他…
或者係我對IT心灰，但呢個係事實囉......
或者D乜大物大IT生會好少少，但唔會好得去邊
我去見工人地問我點解搵返IT的工作，我都同佢地講無前景，做左白老鼠，個個都好同意(根本係連街外人都睇得出)
回答你的答案先：
1) 無，有一位師兄都講過，佢做左十幾年，爬到現在有成15-20k人工，但佢都想轉行，因為佢公司得佢一個IT，呢幾年經濟好就人高工，但經濟差就CUT你先~到時幾十歲人先來搵工，仲要IT，搵到都俾人按低哂你的價....
2) 個人覺得硬件好過軟件，起碼同電子有關，你做唔成IT都有機會轉去電子行業做(不過可能要北上)
軟件有老翻問題，影響收入，而且發展無硬件咁好
3) 你中五學歷，最好讀個HD先，能力可以再讀學位，無論做唔做 IT，都對你工作有幫助
IVE我首選，但起碼要有人地的要求程度(你只講中五，唔知分數及理科成績如何)
如果連IVE都入唔到，試下其他學院攪的HD，認受性未必太高，但起碼有錢好話事~
無論你選唔選我都給你一句忠告：
唔讀IT一世好，生活唔會咁潦倒
圖片參考：http://tw.yimg.com/i/tw/ugc/rte/smiley_36.gif


2008-04-03 10:35:33 補充：
首先你講下你心目中的IT係邊方面？
硬件？軟件？多媒體？繪圖？
但一般人都覺得一個IT人係乜都識囉....唉


1. 前景(行業發展空間) 為何不樂觀？什麼因素？是人才過剩嗎？還是本港的IT業未發展成熟？<<<這問題想不通！

可以咁講，香港好多人讀IT，但精的唔多，所以有大部份只係皮毛人士，人工唔高！
而且大陸及印度IT發展好快，人才又多(係人才!!)，仲要收得平，你係老闆你會點?
而且IT泡沫爆左後，好多公司都唔肯放錢俾IT，就算放都只係少少，當經濟再差個陣，IT係首先被斬的...
坦白講，如果你真係一個人才，IT仲有生存空間，但只感興趣，入左IT你會後悔

2008-04-03 10:35:49 補充：
2. 如果這行真的失去信心，但對IT有興趣&有大學或以上學歷的，IT教師未嘗不好！<<<當然大前提是要投資在進修路上！

IT教師仲慘…你以為真係教書咁簡單?
全校IT俾哂你攪，又SERVER又保安。閉路電視又關你事，校園電視台又係你管~
你日日都要提升自己的智識，精神好緊的~

3. 什麼是"24*7的工作心態"？是否指24小時輪班制？

如果做一般管理SERVER，都係輪班公司，或者有乜特別事，即CALL你回來攪~
當然啦~如果你只係多媒體個邊，都唔駛咁誇既....最多帶回家工作O者.....

2008-04-03 10:36:10 補充：
4. "軟件有老翻問題，影響收入"？程式員是佣金制？<<<大前提身份為僱員。

唔係，我指公司賺到幾多錢O者....
本軟軟件公司都只放目標係公司或學校身上，賣俾公眾的軟件有幾何有錢搵到...
俾著你，你有幾多正版??
如果你話攪ONLINE GAME個D都好D~因為要戶口嘛~
我同學都係GAME公司做緊，不過好忙囉~而且又要成日OT....
不過佢個隻係新GAME，我唔知賣唔賣得呀~

2008-04-03 10:36:17 補充：
P.S. :
1. 如果軟/硬件方面雙向發展的話，學費加上時間將會成為負擔<<<如果前景好就值得。但目前......疑慮......
你死都要入IT，硬件會比較好D~

2. 我係理科生，五科合格(不包括英文)，電腦"D"，其他"F"。
5科合格係包括中英的!!
努力讀好英文先~因為HD都係用英文~~
電腦係咪指CIT??
其他F又點5科合格@_@??

2008-04-07 11:21:34 補充：
Mocha兄，叫回我秋風好了，因為先前知識+太亂先用呢個名。
感謝Andrew喜歡我的金句，這是我用幾年(讀書+工作)時間的心聲來的=_=

回Mocha先：
2. 唔好諗做老師咁長遠，還是努力讀書先啦
3. 咁當然，但你仲要搵時間進修喎，到其時我只怕你好難就時間
4. online game已經係PC game的生存之道了....不過我脫離左pc game，我唔知好唔好賣喎

2008-04-07 11:30:08 補充：
1. 最好當然軟硬都識啦~ha，但樓下Andrew兄講得有理，深圳平靚正，我們除非減價先有生存空間
2. 坦白講，會考成績我覺得只係for搵工，人生經驗先重要
我英文都好差，我都想搵人介紹~ha
CIT係依家會考考的電腦科，類似多媒體咁.....死唔死呀，我HD讀個D有過半用係會考......
3. 我都只係唔想你跌入苦海O者.....ha

入邊行無人可以俾到答案你，只要努力便可
如果後生，試多幾份工又無況呢~~
睇過新聞，大陸有個煤礦工人，因為愛上左個英文系的大學生，所以日日自修英文，最後現在英文系碩士畢業呢~
我們只係講我們的經驗，話唔定你第日變左第二個bill gate呢~

2008-04-07 11:37:22 補充：
回Andrew兄：
我都知軟硬件都係好頹，大陸同印度一班人才，真係香港好難搵食~

你講得對，做programmer真係唔長遠，bill gate都轉左做管理啦~
你呢句「每一年都要把沒用的電腦書掉到垃圾筒內(心傷)」使我好大感觸，雖然我無扔書，但亦表露了IT係一個以光速發展的行業，當有日自己學會了某程式，但個陣已經過時了…
用來自娛還好，如果想搵錢真係死得了

畢業到現在，起初朋友食飯都講IT，近來都只係講大家近況，仲有幾多個留係IT內....
我想過多幾年，只剩下2~3人了

2008-04-08 15:42:02 補充：
你個miss好彩o者，做補習老師當然好過全職啦~

已經知你有相當豐富的經驗同實力=_=".......................................
我做事無耐立即脫離IT了........邊有經驗同實力....唉
我依家係小文員咋...遲D做紀律部隊

IVE HD我都只讀過IT....=_="
話難唔難啦，但無乜實用囉

有志者當然比無志好，但我寧願你將呢份志氣放係第二科到....IT會累死你的

2008-04-08 15:49:10 補充：
借問你做廚房係做乜??
乜菜同乜位??

不如你去讀西廚或西餅啦~仲好作為
日本菜都唔錯~
你都做過幾年，讀上來都易上手~
但如果做酒樓或茶餐廳的話，你就要諗下了~

當年我同你一樣，睇雜誌就覺得自己好勁，呢個好多後生仔都經歷過....
但要記住呢，當年IT仲算新，還有前景....
依家!?
當八婆雜誌睇好了.....
不過路係你自己行，最後行成點，還要靠你自己呢~

2008-04-09 11:28:12 補充：
你轉盈到做文員都好勁啦~不過我諗你做多一排可能又唔慣廚房了~
飲食我真係唔知內裡環境啦，但我都明白時間好亂，好難俾到時間你進修，呢方面要考慮下了
你依家文員份工有無足夠金錢同時間可以使你進修?
如果有的話你咪做住先囉....
政府工我但求穩定！
不過有d行外人話我無大志...唉
行行有苦自己知.....

2008-04-09 11:29:14 補充：
Andrew 講得對！
做文員都要好好的電腦知識的~
俾心機啦

2008-04-09 13:46:35 補充：
MCSE你真係諗住讀.....!?
邊間都無乜所謂，最緊要有ms俾的官方証書~~
其實你linux勁唔勁呀?
如果仲想入行，操下linux仲好

2008-04-10 09:23:27 補充：
先回Andrew 兄：
MCSE同MCP講真幾廢.....
做MC就叫識，真係搵苯啦
出面仲有大把試題搵到喎....當年搵到個DUM，200條MC內會出80條....
如果記憶力好的話只要記住就考得，但出到來咪又食屎
而且題目又無聊又無幾何用，我都唔知學來做乜囉

但D老闆個個都無腦的，只係顧住睇你有無証書，根本唔會諗張証書點考回來

2008-04-10 09:27:07 補充：
Linux唔駛錢，病毒又少，所以好多公司都選用
所以唔識Linux好難生存囉...
不過MS做得全球最大軟件公司真係有佢價值，佢就係 sell 按幾個制攪點(我自己的WEB server都用IIS啦~貪佢方便，唔用「阿爸痴」)
所以又回到最初的討論，做IT要萬能，乜都要識....

2008-04-10 09:59:24 補充：
回Mocha：
初初做文職唔慣好正常，睇來你都習慣了^^
但普通文員加薪同升職機會不大喎~你要諗下~
一係做會計文員、船務物流、採購等....
總知唔可以只做一個打字filing的文員~

文員6k算好了....努力做啦~
我都有朋友由5k做到8k....2年到啦(如果有花紅分仲好)
商界所謂識電腦，主要係MS OFFICE，唔一定要有証書的....

今日夠期了，如果再想討論，請延長

2008-04-11 09:23:03 補充：
====================================================================

你依家份工會唔會成日OT呀??
不如試下搵政府的文員(教統局除外)，放工準時，方便進修(但唔好望有人工加及升職)

2008-04-14 10:37:43 補充：
如果還覺得IT有前景，我諗你係好勁的人了

回秋風：
你誤會了！我意思是非常認同如你所說的除非是天才，否則就不要入行。我明白你的意思，畢竟我不是天才，而且亦沒有什何証書或文憑！我應該實實際際吧，興趣不能當飯食，還是為自己前途著想吧！
始終這行要與時並進，經常進修。還是把它當做興趣會比較好吧！
多謝你！

大家看得那麼負面的?!?!
其實, 於行業上, it己被肯定是必需品, 只是做的層次是怎樣. 有這方面專業知識, 正常情況下都不會有飯碗不保的問題.
但要再上更高層次, 則不是單純it 專業知識了, 要有作為, 其它軟知識比硬知識更重要. 人際網絡, 與人溝通技巧, 邏輯思維, 分析力及決斷力, 樣樣都重要.
例如, 若沒有寬闊的人際網絡, 你空有一身武藝都施展不出.

2008-04-11 11:42:06 補充：
所謂層次, 是人人不懂, 你懂才叫專業. 什麼砌機, 怎樣設定簡單網絡等等, 這樣已不算是專業知識了. 就以小弟為例, 小弟的專長是寫程式, 但不單是寫程式那樣簡單, 更是會因應客戶的情況, 分析所有可行性, 然後提供客戶最佳的方案, 這方面的知識, 便不是一般程式編寫員做到了.

我都想答您的問題很久了，但又不想說太多負面的事情，但又有兩位大俠願意解答，不插口，不成。
最重要練好英文，懂聽、懂講。
我做了這一行二十幾年，也算是香港第一二代電腦人，英文另我失去了很多次發展幾會。
當中有很多朋友，有讀EE，有讀Software，有些無師自通的專家(真的很利害的那種，頂尖技術)。
都最後，不是變成管理皆級，就是再讀MBA，變成經理級人員。當然變成老板的還不小。但繼續有這一行的，他們就不會覺得很開心。有些高電腦知識水平，技術等可說是No.1的，但有需知道？有需懂？最起碼老板不懂。朋友又不一定明白他們會的東西有多利害。能夠和他們談論技術上的事情時，大家都會感覺很高興，因為，終於有人明白大家會的東西有多利害，大家都有機會找到一個懂專門技術的人來構通。但可以變成錢吃飯嗎？

在香港很多電腦專家沒錢，誰知道？有些時候在想，電腦專家只是比藝術家好一點。

自己收入還算好點，不是差的那一群。

朋友中有這樣的說法：「Andrew，您都做起管理來，我們這些也不可能一世寫Program吧，這幾年做管理人員還不錯。您有沒有看過50幾歲人還在寫Program。」

這些話很有意思，50幾歲人做IT我見過，但環境就好不了那裡去。

但靠IT，怎麼說也不夠的。有一些CEO這樣說過，做一個專才，一點也不難，但要做通才，就很難。還說，如果您在大學時是讀工商管理學系學士的話，請您如果想讀碩士的話，不要再讀工商管理學系，轉換其它學科來讀會有前途一點。

IT行業......，我還是比較喜歡叫電腦行業，這條路很長，有學不完的東西，有做不完的工作，每一年都要把沒用的電腦書掉到垃圾筒內(心傷)。

兩位仁兄，所說的都很有道理。特別喜歡那句金句。

2008-04-05 03:15:46 補充：
秋風兄：

硬件也好不了那裡，我差不十幾年沒做硬件開發了。原因是，您只要有構想，在深圳隨便就可以找到一些硬件設計專門叫他們開發，成本是自己做的十份之一。比自己做還要快，還有時間見客。

2008-04-05 03:21:14 補充：
秋風兄說得沒錯：

英文很重要。

但不要想著學電腦業的英文就會懂英文，那您最後還是不懂英語。像我這樣，拿著一本電腦英文字典，我發現我沒有一個字不會，拿著一本英文電腦書籍，也看得會。但拿著一本小說來看，第一頁也攪唔惦。最後都要去從新讀英語。

2008-04-08 16:13:07 補充：
如果能剩下一些錢的話，去外國打工一兩年，最起碼有一個英語的環境給您面對，很快上手。

香港，怎麼說都是一個國際社會，商業是比任何都總要，如果您能夠在商科方面發展一下，可以看到很多機會。而且您又是理科生，比地文科或商科的人更容易找到機會。但也不要放棄您的電腦知識，只不過不是用電腦行業上，而是用在商業應用上。

2008-04-09 23:53:40 補充：
其實，如果讀 MCP、MCSE真的完全明白在讀什麼，而且又真的完全懂運用在實際的情況下，都已經很不錯。

很多人拿了MCP、MCSE證書後，其實什麼都不懂，也不會應用，只會考試。IT 行業打工的收入那麼差，都是給這些人害的。因為，有證書也做不了什麼好東西出來，怎樣值錢。

2008-04-09 23:55:03 補充：
但老板只懂看證書，不懂看經驗。也是沒辦法的。

2008-04-10 00:06:46 補充：
致於 Linux 方面........，還是全力在 MCP和MCSE上之後再考慮。

不是說Linux不好，很難說...........。不管是Linux也好，Unix也好，很講求應用理由。

因為操作成本很高(Man Power)，對初學者來說可說是百上加斤。初期企業效益很低。其實我也不想這樣說，因為我也很支持Linux/Unix系統，我的Server 中有60%以上是Unix系統、15%以上是Linux系統。

但我們因為有很多理由不能完全用Microsoft的東西才會這樣。

2008-04-10 00:14:17 補充：
要用到 Linux/Unix 系統的目的，是「效能」。
Internet 服務的應用 ...... 100%不會用Microsoft。
但沒有很多GUI介面可以適合所有需要。編程、寫Script和很多手工的工作要處理。自動化的東西.......差不多全都是自己設計。

還有Linux要學到什麼地步才算滿意？ 我由1995開始學Linux，但現在也不能說是專家，只是能夠做到很多人做不到的東西出來。但過一斷時間，Microsoft那邊又會出現一些按幾個鍵就能完成一些工作的軟件，而這些工作，有時我也花了幾年時間開出發解決方案。

2008-04-10 00:15:43 補充：
怎麼說都好「實際發揮在商業應用」才是正路。

對不起，費話又多了。

1. 前景？
如果你只有中五程度，我覺得你要一邊工作，一邊修讀夜間電腦大學課程，市面上有很多 Diploma是可以一條龍直至讀到大學課程的，不過你要在經濟能力上有一定預算才好。

2. e.g. 網絡工程師(硬件方面) & 程式設計師(軟件方面)<<<這兩方面都很有興趣，我應該怎樣取捨呢？
如果你不怕辛苦的話，向兩方面發展亦可，將來僱主亦會願意請一個多完化的IT人，不過你要很喜歡讀書才好，因為IT是一個要不斷進修，花費大量金錢在進修上的行業。

3. 進修學院方面有什麼好建議？
如問題一所講，坊間是有很多電腦文憑課程，例如：HKUspace，以你現在中五程度，如果你不怕辛苦，大約3年半到4年左右，你就可以取得大學學位，但是過程會好苦悶的，所以你一定要是很喜歡讀書才好向這方面發展。
另外做IT行業，還有一大堆專業試是需要去考的，例如：Microsoft、Cisco等等，如果你是想雙向發展的話，你將來投資在讀書上的時間和金錢會很多的。

P.S.請不要在別人回答問題後移除問題，因為這樣以後是不會再有別人為你解決問題的。