[男女請進] 如果明知個女仔冇可能, 你地仲會唔會去追?

我是女仔, 類似樓主的case我都遇過好幾次(當然, 我是女方)

我覺得樓主的心態是好正常的, 不過你又要試想下, 如果一直忍著不表白, 會不會很辛苦? 假如有一天她跟別人拍拖了, 你會更難受嗎? 會後悔嗎? 如果會的, 倒不如膽粗粗搏一鋪, 是男人的話, 就比少少勇氣啦! 不行動的話, 即使個女仔覺得你是可以考慮的也變得沒意思了~

我覺得...如果個女仔跟你不熟, 她多數都會拒絕你的(因為比著我都會= =, 正經的女仔很少會隨便同不了解的人拍拖的), 不過你也可以不用從此死心, 如果她還願意跟你做朋友的話, 証明她不抗拒你, 你也可以為了她努力改變自己, 女仔如果見到一個男仔肯為她努力作出改變其實是很感動的~ 你可以好像二樓那位般, 直接問個女仔你有咩唔好, 要表明給她知幾hurt的野你都受得起請她坦白說, 當然你都要比定心理準備自己...就算她話你樣衰口臭你都要受....

我的建議是: 你跟她表白吧! 在這之前你不妨嘗試多跟她聯絡, 溝通一下, 給她一個至少是朋友的好印象, 也順便了解一下她目前有沒有男朋友? 有沒有喜歡的人?

就算不幸地被拒絕了也可以以朋友的身份接近她、追求她、感動她!
記得不要太死纏爛打, 你可以日日msn她, (因為msn慢慢覆也可以) 不過千萬不要日日打電話給她! (除非你已經是人家的男朋友了!!) 也可以偶然約她出街給她親眼看看你為她作的改變, 感動她吧!

重點是你要表現得開朗的不要尷尷尬尬, 就算是開朗的女仔, 面對曾經拒絕的對象不多不少總是有點尷尬的, 但是只要你表現得平常又主動的話, 既可以消除尷尬的氣氛, 女仔對你的印象還是會加分的! 還有你要小心聆聽她的說話, 有時女仔比的回應可能會很含糊, 不過你一定要搞清楚她在想什麼, 她拒絕你的話原因又是什麼? 到底是因為你「不是她杯茶」? 還是是因為其他原因? 是不是經過努力就可以改變的呢? 不明的一定要問清楚, 雖然對方可能會怕hurt到你不會說, 但是你要表現到誠意給她看, 「任何野都可以為她改!」(當然唔係樣樣野都可以改到啦...盡力吧, 至少她的基本要求你做到已經好感動的了~)

但是為你著想, 要學二樓的那位所說的, 「為自己set一個時間, 不要為了一棵樹而放棄一片森林呀!」

加油吧! 祝你成功~

唔追過又點知自已唔得

可以送張音樂心意卡、示愛卡俾佢

希望以下呢個網站可以幫到你
http://www.carelover.com

仲有好多情人禮物, 如音樂賀卡、示愛卡、情人卡、心意卡、心形I LOVE YOU禮盒、相架, 卡通貼紙, 手機貼紙等

我係女仔, 如傾計都唔想同你傾的話, 你死心啦, 真係連朋友都唔想同你做啦
如我仲同你有計傾,即係唔抗拒你,咁你可以慢慢戰鬥,
由朋友發展會自然d, 係呢段友誼中慢慢show比個 女仔睇你d優點
由唔中意自然發展成中意囉
如咁都唔得,起碼你已成佢好朋友,你仲可以同佢關係長久d
世事好難講,未到最後唔知結果
睇你字裡行間你好中意佢咁囉, 唔試唔心熄
試就好做定心理準備長期戰鬥啦
祝你成功

呢種咁既牆我自己都撞過, 衰又衰在我同個女仔混熟左之後我地就去左唔同既地方留學, 當時好掙扎咁寫左封信俾佢, 因為覺得乜都唔做唔係好對得住自己. 果陣真係唔知佢態度如何, 佢又冇拒絕我, 講D咩暑假見面時再傾之類既野, 跟住成年都仲會同我係MSN問意見, 講心事(佢Dmessage6個月內爆左我個message history三次, 無人能及), 但係我一有任何動作佢就一係扮唔知一係就禮貌性回應, 搞到我都唔知佢想點!

到我放假果陣揾左D藉口走左去佢果度探下水溫, 結果佢好似驚我食左佢咁, 我無乎唯有投降, 扮咩事都無發生過, 當佢係普通朋友咁, 過左一年佢都仲同我好好傾...

我既意見係, 如果你想"跌落地拿返堆沙"而完全唔表白, 你真係會辛苦到爆, 尤其係次次見到佢果陣! 如果你怕被拒絕尷尬, 你咪匿埋一陣看佢揾唔揾番你lor, 我當時都係咁做, 明明放假果陣一定會係番同一間公司做internship, 我就特登食飯時揾班同佢唔係好岩傾既fd一齊食, 兩個月內同佢講唔到十句, 結果差唔多又要飛番學果陣佢咪自己黎揾番我... 但係要你如果佢唔揾番你你都冇所謂至得...

你覺得言語中被此會有隔漠,甚至覺得對方不喜歡你,若是如此,又何必追求對方?? 問題在於你是否人有我有之心態,還是雖然不過電,但你喜歡她某一點之特質,行為,學識,美貌,身材......等等等,當你發掘到她的好處,那就把自己的好處跟她相比,當互相接近時,你就有足夠理由告給自己知,我與她是最匹配的,最有本事令她快樂的,有理由;有決心,做足功課,恭喜你,你成功近爾~
圖片參考：http://tw.yimg.com/i/tw/ugc/rte/smiley_18.gif

我係男仔
你這個經歷我曾經體驗過，所以好明白你既感受。
不如我既經歷給你聽聽，希望我想對你會有一點幫助吧！

當時的我都知道個女仔唔鐘意我，而係鐘意第二個。
有一夜我同佢講我鐘意佢，佢都好直接拒絕了我，我問佢係唔係鐘意第二個佢答我係。坦白講當時我真好灰，之後我問佢我有咩唔好，佢都好坦白同我講，聽完之後我自己知道自己有一些我未必能達到佢要求，當然有些可以。之後我就努力改進自己不好的地方。慢慢地佢開始都接受了我，到最後都在一起了。

如果我係你的話我會去追，因為唔追的話我覺得我會後悔。
當然如果個女仔唔鐘意你，而你又堅持要得手的話，那麼追既過程就要適可而止啦...會唔會尷尬就好睇你自睇唔睇得開啦...通常你追求的行動不是太激的話，女仔唔會太抗拒既，不過我都覺得好睇女仔的性格。會唔會連friend都無得做呢，個人認為真係好少，開朗的女仔是不會的，至於內向的女仔有可能會。

仲有...教多你一樣嘢，女仔係好睇個男仔有沒有誠意，有沒有上進心，仲有就係錫唔錫佢，如果可以覺得男你無問題的話，通常是無問題的，除非個女仔一定要有特定的準則而你又做唔到。

不過我係你的話我會試下去感動佢，好過自己日諗夜諗。為自己set一個時間。假設一年，如果一年內都唔得就放棄啦...不要為了一棵樹而放棄一片森林呀，知道嗎？

希望你成功