急問！唔該！公屋已購買可否養貓貓？

認同muimuilau0808所說的。我都係住公屋，不過已經供斷左。公契講明唔淮養狗，呢個係事實。貓要做了絶育的，並無其他要求﹝貓﹞。我都係網上訂糧、砂，和muimuilau0808一樣送貨員經同一手續才可進入大廈。而我養左三隻已變了成貓的大帝、一隻暫託成貓。其實我個人覺得除左明文規定外，有句說話都幾啱﹕過得人、過得自己。
而那隻暫託貓初來時叫足兩星期﹝和叫春無關﹞，我都怕俾鄰居投訴。不過並無人投訴我地。話雖如此，但自己個心都好唔好意思。總之都係嗰句﹕過得人、過得自己吧！
所以你唔需要放棄貓貓，如果你怕佢悶﹝全家人返工、返學後﹞，你可以領養一個貓貓陪佢，咁對佢個身心都好啲嫁，起碼同聲同氣嘛！
另外，砂方面，最好紥好才給清潔工人，這是對人、鄰居、環境的尊重。希望你係一個負責任ge主人、鄰居吧！

^_^ 公屋可以養貓...記得帶貓貓絕育同打針...及保持居所及室外清潔乾淨就得.
房委會資助房屋小組委員會於2003年9月25日決定維持不准在公屋養狗的限制，但會容許租戶飼養不會危害健康及造成滋擾的家庭小寵物(包括已閹割的貓)。其他動物包括野生動物及馴養農畜等(例如蛇、雞、豬、鴨、猴子、白鴿)則一律嚴禁在公屋飼養。
香港房屋委員會轄下資助房屋小組委員會於 2003 年 9 月 25 日 通過容許公屋租戶飼養不會危害健康的細小家庭寵物(包括已絕育貓隻)，而且原則上無須事先登記。
至於其他動物，包括野生/入口動物/馴養農畜，例如蛇、雞、豬、猴子、鴨、鴿子和狗隻等等，一律嚴禁飼養。

2008-04-02 06:58:34 補充：
你可瀏覽房屋署網頁
http://www.housingauthority.gov.hk/b5/residential/prh/tenancymatters/markingscheme/0,,,00.html
，查閱扣分制度下各項違例事項的細則及執行方法及註二之有關飼養動物的詳細資料。
如有任何疑問，請致電 房屋署綜合查詢中心 - 房屋署查詢熱線電話： 2712 2712

公屋是可以養貓，但要接受閹割手術。我也住在公屋，所以家中的貓貓也做了閹割手術。
根據房屋委員會2003年9月25日有關『屋村飼養寵物新安排』新聞稿(http://www.housingauthority.gov.hk/b5/aboutus/news/pressreleases/0,,2-0-7617--0,00.html)，
『由於貓隻可能造成的滋擾較狗隻少，小組亦決定容許租戶飼養已接受閹割手術的貓隻。』
另外根據『房屋委員會』的『屋村管理及租金政策』內
第二十一章：屋村管理扣分制的註三(http://www.housingauthority.gov.hk/b5/aboutus/policy/publichousing/0,,3-0-12081--32,00.html)
『房委會資助房屋小組委員會於2003年9月25日決定維持不准在公屋養狗的限制，但會容許租戶飼養不會危害健康及造成滋擾的細小家庭寵物(包括已閹割的貓，但不包括白鴿)。其他野生/入口動物/馴養農畜一律嚴禁在公屋飼養。』

可以養ga~
根據法例講係可以養已經絕育既貓
相信係怕發情時吵到人 ~~~~

我自己都養左2隻 :)

我都係住公屋,我係租o既.你留意下o係大堂會有通告張貼出嚟,剩係話嚴禁養狗無話唔俾養貓,我仲養7隻貓貓添,以前係叫寵物店送貨上門,每次送貨都必定會係管理處度登記係邊個單位,後尾因為我發覺幫襯開嗰間寵物店食水太深,我才改為自己推架車仔去買返嚟,你諗下,我7隻貓,我係咪要經常推住啲貓糧貓砂o係個大堂度,管理員咪一樣係睇到,不過佢地唔會理你咖,我當初都好似你咁驚管理員有所行動,後尾我諗通左啦,因為行唔行動呢樣嘢,係唔到我地去控制咖,所以咪有日和尚拷日經囉,煮到埋嚟咪食囉,驚都無用.

可以~~我都養緊4隻~~我都係住公屋~~以我所知~~公屋係冇例明唔可以養喵喵~~但DOG就有例明唔可以養~~如果要養DOGDOG就要去新請~~而養喵喵就唔洗~~呢樣野我都問過房屋曙~~佢養喵喵地話冇"穌妖"到其他人就絕對冇問題~~

就我所知,別說公屋(包括自置單位),就算是居屋...基本上在公契亦說明不可以養貓狗的...但其實好多人都是在沒有得到批准便自己養貓狗的...
我個人覺得,如你要守法...就一定好難養貓貓的,但我知你心地好,所以我認為你可以盡量把貓貓的衞生情況做到最好,另外,唔好比佢太嘈(貓貓叫春時特別騷擾人的,你可考慮替牠做絶育,人地話會好少少的)...最緊要係帶牠出入時千祈唔好影响其他住客(可把貓貓放入手提的寵物袋子內)...
總知,千祈唔好對其他住客(尤其是鄰居)做成任何影响,令他們向管理處投訴(有投訴會逼管理處要做嘢,包括唔俾你在公屋養貓)...咁你跟貓貓便可以快樂地生活了...