咁算唔算辦公室政治？同事相處的問題

我有個問題想問下各方好友。我之前同個同事因公事吵左架，本來以為和好左，但聽入世深d的同事講佢係因為唔想比人覺得佢小氣，所以扮和好，面阻阻後佢痴左一個我之前唔like的同事身邊同佢做好朋友，咁當然佢地兩個會係咁講我是非，雖然唔會親耳聽到，但係d細聲講大聲笑的舉動就好明顯，近呢兩個月佢好刻意咁去搞好自己同其他同事的關係，例如好主動咁同周圍d人傾計及做好朋友(果d人係中立派)，又成日整野食番黎請全部門d人食(佢個個都請，係唔請我一個)，又或者有同事買左野食番黎，佢會好刻意咁幫我身邊d同事拎埋黎比佢地，就係唔幫我一個拎，佢買左零食番黎會請哂我身邊d同事食，佢會向我身邊比較好傾的同事埋手，我感覺到佢好似想撬走哂同我岩傾d同事孤立我咁，佢請周圍d人食野時我會扮睇唔到繼續做野，佢同其他同事講野時我會扮聽唔到，但係其實點會唔知呀，我想請問各方高手們，我可以點做？我只係想安安樂樂咁打份工，我想做埋今年先轉工，我應該點做好？我要繼續扮睇唔到定要還擊呀？如果還擊我又可以點？我又要好刻意咁去拉攏其他同事呀？因為我覺得我依家咁唔出聲好似比人蝦緊咁呀，同埋依家真係做得好唔開心，請大家幫幫我呀，thank you