請問股息係點至有得分?

唔係每隻股票都有派息，願意派息的公司基本上都有共通點：
1. 公司會是有賺錢能力的公司，而且盈利偏高的，咁先至可撥錢派息。
2. 一D股票公司業務已達頂峰, 又或者係好穩定增長, 業務平實的公司。佢地因為公司本身冇咩特別吸引之處，所以就會用股息留住股東。
3. 主要係所謂REIT(房地產信託基金) 佢地既收益主要來自投資不動產市場，資產增值速度穩定，再加上租金收益。佢地既性質有Ｄ似基金，即係上左市的基金，派息係會較豐厚，業務亦較穩定，適合風險接受程度較低的投資者。
至於每年分幾多次，每隻股都有唔同，大多數派息股份都會每半年派一次，小部分利潤豐厚而又重視股東回報的公司如５號仔就會一年派四次息，即係每季一次。派息周期唔係固定，都係睇番公司盈利情況決定。如果大吉利是講句，５號仔盈利倒退得犀利（在可見將來都應該唔會倒退），咁派息政策就可能會改變，至於點變始終要睇現實情況而論。
要拎股息，主要要留意番隻股份派息的”除淨日”。假設隻股份除淨日係１月２０日，咁你只要係果日的前一個工作日或之前買左，持有直至除淨日當日或之後就可獲得股息。短線投資者多數唔重視股息，因為”除淨”其實就係從股價中扣除股息，如５號仔派息１蚊，咁果日一開市佢個價就扣左(下跌)１蚊先。但對長線投資者而言，呢Ｄ股價的小變動唔會介懷。
股息通常係會用每股去做單位計算。假設５號仔今次派息　每股２．１２５港元，咁你只要將自己持有的股數乘番呢個股息，就知自己可以拎到多少。如果你有４百股，咁就會收到850蚊。

2008-03-31 19:43:07 補充：
＊＊希望發問者能盡責，選出心中的最佳者，以免浪費好答案和作答者的心血。