買中國人壽好嗎

中人壽前景可以分四方面去講：
1. 國策支持：睇番中國保險監督管理委員會的資料顯示，全國人壽保險保費總額有4950億左右，佔全國23億的GDP比重只有2.18%左右，遠低於香港7.9%同埋已發展國家的平均10%，可見人壽保險(即係2628做果飯)發展空間仍然好大。
另外，去年中央頒布《國十條》表明，內地政府會將養老保險、人壽及醫療保險、責任保險、農業保險等全由保險公司代理，潛力的確不容忽視。以2628呢D龍頭保險公司而言，其品牌效應和規模經濟將會使其市佔率一直擴大。
2. 農村保費增長高
睇番現時內地有近7成人口住係農村，而全國壽險保費現時只有３成來自農村，因此能夠及早發展農村市場，係致勝關鍵之一。睇番2628，佢係最早發展農村市場的那批，而貝爾斯登年底估計，佢現時既農村市場佔有率達到４～５成，2010年估計農村市場佔整體比重近６成。５斤以係呢一方面佢都係佔左優勢。市傳平保最近巨額融資，亦係為左開發農村市場。
3. 投資收益
保險股拎到保費，最主要的活動就係拎去投資，而投資工具當中，股票的比例普遍係高的，約佔總資產值百分之２０左右，所以前年及上年內地股市走高，就令平保及人壽等公司獲豐富利潤，成日都有得發盈喜。但隨住內地Ａ股市場不穩，佢地今年的投資收益預左會增長放緩。摩根大通報告曾指出，內地Ａ股下跌１０％，2628證券組合的帳面盈利會下跌5.3%左右。但隨住人壽表示會調整投資組合，相信呢方面問題應不大，Ｄ人成日用Ａ股唔掂而叫人唔買保險股，其實係以偏概全，並將投資收益的重要性放得過大。
4. 利息收入
有一樣野好多人都唔留意，就係利息收入。保險公司為左時刻有足夠的流動資金以便作出賠償及突發事件，所以公司存左唔少資產入去銀行以備不時之需。就如2628，佢既銀行定期存款佔資產總值約19.8%，而隨住內地踏入加息周期，息口豐富，佢地既利息收入都係豐厚而穩定的利潤保證，而且仲係無本生利添。國泰君安報告就曾指出，內地每加息２７點子，2628的純利便有望提升1.6%。
以上４樣野基本上就係保險股中最值得留意的地方。而中人壽呢Ｄ長線增長高的股票，最岩就係長線持有，你願意買入放１０年，就正正ＦＩＴ晒。

2008-03-31 18:21:05 補充：
＊＊希望發問者能盡責，選出心中的最佳者，以免浪費好答案和作答者的心血。

長線一定無問題, 中人壽有很多內涵價值未發佈..放心吧...十年後應會有$80至$100樓上...宏利是一good sample