邊到多倉鼠賣?

1.旺角金魚街最多最平了,其他地方有d我唔熟,有d都知既:
屯門就係去置樂,元朗就去巴士總站,葵芳就去葵涌廣場,荃灣就吉之島對面,沙田就新城市廣場...都可以去yahoo搜查q-pet,紅蘿蔔,寵物城既資料睇下,唔夠字數放網址了

2.養倉鼠前需要考慮一下以下幾點:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶
6)要考慮清楚係咪可以照顧鼠鼠一世,唔會因為鼠鼠大隻左而嫌棄.
7)得到家人同意去養
8)預算好養鼠既費用,包括鼠鼠有病既話要付出金錢去買藥,睇醫生

平日養鼠要留意既事:
1)每日換水,並檢查水樽係咪真係出到水同會唔會漏水
2)食物要有足夠既份量,多d都唔緊要,鼠鼠係知飽既.最好放多d,多d食物先令鼠鼠有安全感,一般乾糧可以耐d先換
3)糧食方面只要俾鼠混合糧同草就可以了,好多人既食物都係唔適合鼠鼠既,甚至蔬果我都覺得唔好,原因可參考以下我回答既知識:http://hk.knowledge.yahoo.com/question/?qid=7008010505053
4)一星期用沖涼粉沖一次涼,真係太熱太臭最多都係兩次,有病先例外.唔好用水同鼠鼠沖涼
5)一星期大洗籠一次,平日覺污糟都可以打掃一下,鼠鼠多數排泄得好集中,打掃排泄開既位置同佢訓既位置就已經好好多(因為鼠鼠用排泄物去表示呢個係自己地頭,所以訓既地方都會排泄)
6)唔好用有味or有色既木糠,最好買d冇咁碎既.有味既木糠加埋鼠鼠既排泄物係好臭既,有色就可能會甩色,碎既木糠就易影響鼠鼠呼吸道.以甘既都易令鼠鼠敏感.
7)個籠一定要安全,唔會有野整親鼠鼠,唔好用一間間好通風既轉輪同地板,好易卡住鼠鼠隻腳.
8)鼠鼠好叻走佬,留意有冇咩位鼠鼠會走到
9)鼠鼠怕凍,更怕熱,凍同熱都要為鼠鼠保暖or解暑
10)好緊要既係,平日多d留意鼠鼠既身體同排泄物,有咩異常就可能係有病
11)鼠鼠既牙係不斷生長,所以要有野俾鼠鼠磨牙,唔磨牙既話,d牙會插穿鼠鼠,令鼠鼠死亡,如果你隻鼠唔咬磨牙石,就可以買一d木制玩具俾佢咬(磨埋爪都得),又或可以試下鹽磚
12)除左轉輪,鼠鼠玩既玩具最好係鼠鼠專用既木制玩具,因為自己整既木易有刺,可以俾鼠鼠爬唻爬去,鑽唻鑽去既就多數都會玩
13)鼠鼠買返唻既初時,頭兩日唔好打擾佢,再試下以下方法同鼠鼠建立關係:(耐左都同鼠鼠唔熟,都可以試下做)
a)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
b)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
c)再熟d再試下俾野佢食既摸下佢頭or身
d)佢都唔抗拒之後,可將食物放在手心,等佢行上唻食,慢慢佢會習慣左你既手5)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱,抱之前記得先輕聲叫下鼠鼠先

如果想知養鼠要買既物品既價錢同要留意既事,可參考以下我回答既知識,字數有限,煩請移步:
http://hk.knowledge.yahoo.com/question/question?qid=7008032302651

荃灣區近 荃灣碼頭 /吉之島附近都有幾家賣倉鼠, 可以去睇下, 唔係就只有 mk 較多,

您住邊區

養倉鼠簡單來講, 要有一個籠 (適中), 倉鼠係獨居, 一籠養一隻,
籠內舖 木糠 , 放浴沙 (給倉鼠自己清潔身體) , 水樽, 食物盆(適當食物) 跑步轉轉 (運動用), 若養耐咗可訓練放佢出在屋走動, 地方大d.

基本上d野係咁多, 豐儉隨人, 最少大約 200 元左右起步 (倉鼠都係幾拾一隻), 以後就只有買糧 及浴沙作補充.