胎兒腦內有個水泡與愛德華綜合症的關係?

2008-03-31 8:30 pm

照完結構,發現BB腦內有個水泡 (愛德華綜合症高危)

BB已20周, 去政府醫院照結構, 照之前, 醫生已懷疑BB是愛德華綜合症高危....(事前本人不知, 可能醫生看了之前唐氏的驗血報告中有顯示愛德華綜合症高危).

之前醫院已寄了信給我說唐氏是低危(是1/1000), 無需抽羊水, 但卻從未提過甚麼愛德華綜合症高危的事.....

到了20周去照結構, 正準備照之前, 無意中聽到醫生同護士講 :"照完再講, 免得佢擔心...." 那時已心知不妙......

一照之下, 即發現BB腦內有個水泡, 醫生便同我講-->懷疑BB是愛德華綜合症高危.....所謂愛德華綜合症是指第18條染色體異變....當堂成個人呆了......

不過, 後來醫生幫BB逐樣結構慢慢check, 又樣樣好正常, 無發現愛德華綜合症的特徵......說暫時不建議抽羊水.....然後叫我23周再去照過, 看看BB腦內的水泡有冇新進展....

天啊, 現在超級擔心.....因已是36歲的高齡, 而且是第一胎......很怕要重新來過......

有冇人之前有類似經驗......發現愛德華綜合症高危 (T18), 但後來又冇事架?

之前聽過BB腦內有水泡是生長的正常過程, 之後會消失, 不會有影響, 但我的case又涉及疑似愛德華綜合症高危, 攪到我好擔心....!!!

水泡及愛德華綜合症高危兩者有關係嗎??

咁醫生照完結構後又話唔似係愛德華綜合症高危, 咁即是點??? 即是係定唔係??

現在要等23周再照....好似等緊行刑咁....:(

回答 (1)

用戶33151

2008-04-01 12:50 am

✔ 最佳答案

其實我都唔知乜嘢叫（愛德華綜合症），依家哩個時候，最緊要唔好惗咁多，多多小小會影響個胎，休息多啲，食多啲有營養嘅嘢，等自己同ＢＢ盡量吸收多啲，唔好再比壓力自己，真系唔好咖！
我有的時候，壓力比妳還要大，因陀住系孖胎（又系高齡產婦），兩個ＢＢ的血流量又唔夠，自己又中咗個妊娠毒血症（血壓高，腳腫，蛋白尿等現象），系醫院住咗個幾月，ＢＢ未夠六個月又話要攞岀嚟，個人機乎崩潰，最終在七個月ＢＢ同自己都等唔到，如果唔攞ＢＢ出嚟，我同ＢＢ都有生命危險，最後決定在七個月取出，結果一個得磅半，令一個只有兩磅，醫生都話生存機會好微，仲話細Ｂ個腦已壞死大半，唔知會影響到啲乜，依家兩個小朋友已經三歲多，細Ｂ都算無乜影響到，只系左手有小小唔系好靈活（有訓練已有改善），每次見兒科醫生（由出世睇到依家），醫生都話系奇蹟，所以話，妳唔好咁擔心，得閒摸住個肚，同ＢＢ傾吓計，自己開心，個ＢＢ都聽到咖，記住開心同唔開心，擔心同憂慮都對自己同ＢＢ都唔好，要開開心心過每一天，等待小生命的來臨！
祝妳同未出世ＢＢ健健康康！

2008-03-31 16:53:23 補充：
唔好意思，我都解決唔到妳這問題，希望醫生可以幫剄妳同ＢＢ．

參考: 自己經驗

👍 0 👎 0