姊妹要做什麼?

✔ 最佳答案

姊妹團的角色好重要
因為當天婚禮順利與否都同兄弟姊妹幫唔幫到手有關
基本上可以講伴娘係新娘的"保姆"，姊妹就係新娘的"助手"
前者由照顧新娘換衫、執化妝手尾、陪伴新娘、幫新娘keep身份證、拎花球
後者就由早到晚幫頭幫尾，咩都做

不過你未做過都唔洗擔心....只要你細心d留意新娘有咩要協助
同埋最好婚禮前建議新娘(or新娘都要自己安排)約晒d姊妹出黎開會(2次左右)見面夾一夾就可以

由頭講起啦
婚禮前，姊妹要清楚知道新娘期望
新娘一般都會分晒工...不過如果新娘本人都唔知
我就個人經驗有以下分享

婚禮前，姊妹先要夾一夾dress code (夾同一色，當然新娘無要求就唔洗，因為都花費的)
之後就要分一分角色先
有一個最重要，係統籌。佢全日咩都唔洗出手，不過就要睇實個rundown，有咩urgent事，突發0野佢要負責同新人/新人家的話事人溝通，甚至代作出決定
另外要一個姊妹全日主要負責睇時間，因為吉時問題，另外都要趕0岩註冊、晚宴開始等時間，佢主要係催場
早上要搵2個協助敬茶時換茶同埋洗茶杯，夜晚要搵1個負責同伴娘一齊幫新娘換衫、敬茶同埋換金器，因為夜晚可以好趕
其他早上就要拎物資，包括拎新娘的首飾、衫、鞋、遊戲物資等(每個人都要知自己拎咩，最好有一個姊妹負責checklist，每次去新地方就點一點物資)

其他一齊做就係早上玩的接新娘遊戲大家要夾好
夜晚如果有遊戲都要夾
要搵人做reception點名、帶位、guest影相時幫d賓客暫拎手袋等

都幾忙
不過，新娘搵得你，一定當你係可靠的好朋友
因此，細心點就可以

另外，禮金你係唔係指開門利是? 定係你要俾新娘的人情?
開門利是就新娘話事，豐儉由人。收左會分返俾姊妹。不過分幾多，做得姊妹都無計。
人情就睇你同新娘的交情及自己經濟狀況。一般而言，$500都走唔甩。再多d1000、2000就你自己話。總之人情還人情，做姊妹雖然有利是收，不過你禮貌上都係照封人情，因為會心意同賀禮。

以上係我copy&paste之前有人問我的info
因我11月結了婚
希望幫到你啦!

回答 (2)