熊仔鼠的資料

樓上網友講既野有D唔同意,希望唔好介意:
女倉鼠唔會有m,但會有類似既下體出血,多數會在女鼠年紀大既時候,會有2-3次既下體出血,但血只會有數滴,所以一般係好難會見到,只要血次數及量正常,係唔需要擔心,唔會有問題既
如果出血情況異常,血量太多,就可能係有子宮腫瘤,而懷孕既鼠都有機會有下體出血既情況,多數都係難產先咁,又或生完有d血未清理好既血,難產係有機會致命,都唔可以輕視,而後者就冇咩問題

A.兩隻鼠一齊,就算有交配都難保幾耐會懷孕既,加上熊仔鼠比其他鼠更加抗拒同第二隻一齊住,所以係會更難

倉鼠懷孕係好難用肉眼去睇到,因為懷孕期短,熊仔鼠大約15-16天,細隻既鼠大約19-22天,而且倉鼠係會出現假懷孕既,連獸醫都有機會會驗錯
懷孕既特徵有以下幾點,但的確唔易肯定:
1)鼠媽媽個肚會忽然大左少少,但食得太多野都會肥.
2)乳頭會較為明顯.
3)心情煩躁,但兩隻鼠一齊,好多時會有打交既情況,所以冇bb都會咁,所以難分

B.唔知點解要繁殖鼠鼠呢?鼠鼠生bb到戒奶(21日大)都唔可以掂鼠b,到可以掂鼠b既時候,已經同鼠店買到既鼠差不多大了,呢段時間仲唔洗得籠,唔打擾得鼠鼠,會好臭呢

我覺得喜歡鼠鼠應該尊重鼠鼠獨居既天性,一對鼠如果不斷繁殖,一胎生2-10隻,就算只生一次,都可以兩隻變十隻,要諗真係咪有時間同地方去照顧鼠b?

我之前買左隻熊仔鼠,點知原來已懷孕,生左幾隻B出唻,未戒奶就打到一隻冇左部份耳,一隻好似癲左咁係咁大叫,好辛苦先捱到去戒奶,之後仲要搵有愛人既人幫手收養,真係諗起都慘

其實鼠鼠最好分籠,繁殖鼠鼠會有好多問題,希望可以考慮唔好繁殖鼠鼠啦,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

如果堅持要繁殖既話,可參考以下我回答既知識,去了解鼠鼠生B要留意事項:
http://hk.knowledge.yahoo.com/question/?qid=7008012903048

泥左第一次m(女)先好交配!!(安全DD)

交配左就會有bb-0-

當隻女有左bb

會比平時較為唔活潑!!!

總之你會feel到佢同平時有d唔同!!!

當然係係佢地交配左之後有呢d現像先係la~