生男好還是生女好

其實仔女都係自己親生，又有咩所謂？！
我之前都係比較鍾意男仔，但當我照完知道係女後我都無失望，而家女女出左世就更鍾意女ｔｉｍ～因為可以成日同佢扮靚靚嘛，而且女仔衫真係靚過男仔好多！


老人家恨仔係因為仔可以傳宗接代，覺得生女會蝕底．
雖則話女仔會比人攪大個肚會蝕底ｄ，但個人覺得男仔咪仲蝕底～
而家ｄ人咁興同居，如果住埋咪又係個男仔比晒錢～～屋租呀，水電煤呀，雜費呀，幾甘呀．男仔仲慘仲大壓力～
ｈａｈａ

一般人認為--
生仔好處:
1) 老人家好重視擔幡買水,通常要由仔去做
2) 家族生意傳仔唔傳女,傳女的話,總覺得家產比左人
3) 個女嫁左出去之后,跟人地姓,生的外孫亦唔會跟自己的姓氏
4) 個仔大力d,做d操重功夫夠力d,好似落田咁
5) 生仔唔怕比人搞大個肚,唔怕佢夜翻屋企有色狼

生女好處:
1) 女通常都親父母多d, 照顧佢地亦比仔細心
2) 女通常比較聽話,文靜, 唔會好似男仔成日扎扎跳,坐唔定...
3) 女婿叫做半邊仔,有女婿就好似多左半個仔

其實以上的所謂好處,在現今的香港社會已經開始模糊,再唔係分得咁清楚,好似女如果唔孝順唔聽話,都係會激死父母;
而家工種多係用腦,唔係用力o既, 亦有女消防隊長,加上教育普及,只要夠勤力同聰明,在工作能力上男女亦係可以平分春色‧

所以老套d講,仔女真係無所謂,只要佢地健康,聰明,聽話, 一樣係咁好,如果唔生性,比你想生仔生到仔, 想生女又生到女, 咁又點, 一樣激死老竇搵山拜。

男比較粗心大意，女的比較細心，對人、對事、對家庭都是。
但我想說的是，不管生男或生女，最重要是隨緣，只要是自己的，那就沒有所謂，同時去做產前檢查時，最好不要先知道是男是女，這才有一份驚喜，不過話又說回來，一般父母都有感覺，知道這胎是仔還是女。