熊仔鼠可以濕水沖涼嗎？

同鼠鼠沖涼最好係用沖涼粉,用水沖好易有感冒既,雖然用水唔係100%會感冒,但可避免既當然係唔好咁做啦,好似人食趺左落地既食物都唔一定會肚痛,但都唔應該食咁

如果平日唔小心濕到水,都一定要盡快整乾,唔係都好易出事既,但都唔好用熱風咁吹,唔係一冷一熱都唔好,可以用毛巾包住,遠D咁吹乾


原居沙漠既倉鼠,根本較難會接觸到好多水,佢地都係用沙自己沖涼既


我第一次養鼠時,家人教我用水同鼠鼠沖涼,細個咩都唔識,同隻鼠咁沖,之後隻鼠就死左了


同鼠鼠沖涼既步驟:

1) 要將鼠鼠放去第個盆or籠度,我就用養龜仔之類既小缸同鼠鼠沖涼既.

2)將沖涼粉灑落鼠鼠身上,避免將粉整到落鼠鼠既眼耳口鼻.可以用手整少少粉鼠鼠既頭頂,再同佢掃下

如果佢郁唻郁去,你可以一隻手抱起鼠鼠,一隻手將粉整落鼠鼠身

3)用手掃下鼠鼠身上既沖涼粉or由得鼠鼠自己整走都ok.

4)再將鼠鼠整左落唻既粉整多2-3次落鼠鼠身上(用未用過既都可以)

5)沖完涼將鼠鼠身上既粉掃走,咁就可以放返鼠鼠入籠啦.


同鼠鼠沖涼,要留意以下幾點:

1)要用沖涼粉,唔可以用水,唔係好易令鼠鼠感冒既

2)買沖涼粉都要記得唔好買有香味既,有味會有機會令鼠鼠過敏,敏感嚴重係會致命

3)唔可以日日沖,一星期沖一次,最多兩次就ok啦,成日沖涼會令鼠鼠抵抗力下降既.

4)盡量避免沖涼粉整到鼠鼠既眼耳口鼻

熊仔鼠不可以濕水ca!

熊仔鼠不可以濕水ca!

熊仔鼠不可以濕水ca!

我養過熊仔鼠,相信我la!