開洗衣舖的問題

1. 工業用洗衣機有好多種, 一般細機13~15磅冇問題. 再大D30磅 50 磅都有. 但門市好小用到50磅機. 視乎你自己需要而定.
2. 乾衣機一般起跳為 30 磅, 再大亦都有, 同洗衣機一樣, 視乎你需要.
3. 工業用機種通常比較耐用, 就算你買二手機, 大多都五/六年. 唔敢講話新機可以有十幾年壽命, 因為壞左都會整, 又通常都整得好. 除非真係好舊好老爺先唔用.
4. 好生意時幾萬閒閒地, 自己又唔駛做, 幾開心. 唔好生意時, 個個月蝕幾萬, 重要落手做, 辛苦死.
5. 門市最痛苦莫過於兩樣,
A. 冇生意, 拍蒼蠅. 如果係打工就冇所謂, 但當你係老闆, 拍蒼蠅都幾慘.
B. 太好生意, 做到你做唔切, 恨不得生多對手出來做.
6. 好多野要注意, 由入貨, 洗衣衫質素, 柔順劑好唔好. 員工夠唔夠經驗, 生意額, 乾洗工場既質素, D 客有冇投訴. 同區生意比較.
7. 水電費唔算係最貴既支出, 反而石油氣費會貴D.

本人20歲出來創業,開過2間公司同十間八間舖頭,當然當中有成功有失敗..系商場打滾令我認識左好多唔同行業的店舖,公廠,公司老闆同業務..我唔敢講乜都知..但只可以盡力解答各下的問題..因為我有一舊同學家族世代都是做洗衣的..而且規模不少..
洗衣舖的洗衣機一次洗多少磅?
其實呢D問題好重點系你打算投放多少資金同埋營業的市場規模仲有預計開業的規模,因為要就住你的營業計劃購買不同的器材去配合!
一般就算你購入的是小型的專業洗衣機,最少都可放入8-10磅的衣物.
乾衣機可放多少磅?
乾衣一般小型的可放入的份量相對較細,但亦有些組合性的是上乾下洗有d類似家庭用的模式..但當然運作上有點不同
大約用幾多年就要換?
一般購買已有包短期保養,但長期多數儀器公司都會要你每年供番d保養費..而值唔值供..定系有壞先一次一次比就你自己考慮..但要睇清楚呢d保養服務包唔包零件..好多細節要留意番..唔系有事時就好煩!幾耐要換要事乎貴店生意洗衣量有幾高..要睇機械損耗情況..
最小每個月賺幾錢?
呢個同本同規模同租金都好有關系!冇plan冇數計得到!
請問大家有冇最痛苦的經歷可以分享?
有!本來冇咩野經驗但又想攪個d人都會比一大筆錢出來加入d甚麼乾洗會開加盟店..因為甘唔洗煩所有野,又有人教埋你,好系幾好..但因為加盟成本太高..而且洗衣唔系甘易做得甘成功.市場不斷令.成本上升..回報收窄..有唔少地區又比d連鎖式或老手霸住黎做..競爭好大..所以都識得有d人加盟左洗左一大筆運作左唔夠半年..蝕到眼光光..因為交租都唔夠..就甘執左...=.=.
有咩一定要注意?
一定要學好同學識行內點洗野,咩野唔可以一齊洗,唔同質地點做,唔同污物點攪..唔可以亂黎..亦唔可以攪錯..因為有時唔系個個客都甘好人..如果佢件野系貴野..就算只系平野..各下洗衰左佢件野佢嘈要你賠真系吹帳..唔系甘簡單..
水費電費大約幾錢一個月??
水 電一般佔營業額 5-8%但要留意排污費..因為會調整!!
其實而家洗衣呢行冇以前甘好做已經..勸你考慮清楚d同計定晒條數先..
想傾可以加我msn : [email protected]