未來前途一問(ive會計hd vs. 台灣大學)

台彎國立大學會計系畢業可以同IVE Higher Diploma in Accounting同等待遇? 邊個勞工處主任講o既, 等我去投訴佢!

台彎國立大學會計系畢業雖然起薪點可以同IVE Higher Diploma in Accounting 看齊, 但係由於台彎學歷在香港是不認可的, 加薪及升職等待遇一定差過IVE HD, 雖然有D人用台彎大學會計學歷响核數行仔撈得好掂, 但係唔好睇表面, 佢地响台彎咁多年, D普通話掂, 再加上乜嘢數都夠膽做, 先可以撈得掂, 但係就日日半夜睡不着, 驚俾商業罪案調查科搭返去! 咁樣先至可以同IVE HD待遇看齊, 你想唔想?

重有, 在進修方面, 台彎大學畢業果條路一定長過IVE HD, 因為於九年前, 一眾台大會計畢業生要求香港會計業界承認他們的學歷, 使他們可以在港進修, 結果業界替他們作出評核, 台大會計學位大多被評核為等同香港認可會計文憑, 雖然終於能夠被業界承認為認可文憑, 但係香港好多間大學都唔承認E個結果, 所以他們如果要進修, 就要由會計證書開始讀起. 而英國會計師公會(ACCA)亦不認可台大學位, 不能以此成為student member, 並且沒有任何試卷豁免.

相反地, IVE HD in Accounting 就勁得多, 如果再入特區政府認可本地大學進修, 起碼豁免一半大學學分, 有的更多, 亦即是如果台大畢業生讀政府認可Part time Degree 要讀六年, IVE HD holder只需讀三年, 並且IVE HD獲ACCA認可, 可成為student member, 並且能豁免Level I 所有試卷及Level II部份試卷.

其實我真係唔明, 十幾年前去台彎讀大學的多數是會考冇五科合格的學生, 連工業學院都入唔到, 又想讀書才冇辦法要去, 我有個朋友因為考咗四次會考都係得3分, 才去台大讀, 讀完返黎, 前途當然會差過 IVE 的 Diploma啦!, 點解你已經有DIPLOMA, 又要降級去台大讀?

我勸你千祈唔好放棄讀IVE HD的機會, 你的情況我好理解, IVE的diploma多嘢兼難讀, 一D都唔奇, IVE的diploma 和 Higher Diploma的syllabus 係同外國一流大學差唔多深o既, 只不過因為IVE唔係麻省理工, 啲tutor 出試卷同功課時都會「就」吓你地o既程度, 但係個課程內容與難度仍然同牛津o既diploma 和 HD 冇大分別, 所以IVE承認程度先可以咁高, 但係唔好因為難和辛苦就想放棄, E個世界o既嘢, 好嘢通常係會難啲得到, 但係得到之後就好好, 台大雖然易讀好多, 我之前講果個朋友雖然响香港考四次會考都係得3分, 但係去到台彎依然可以响四海大學會計系畢業, 咁容易讀的大學, 會有人承認嗎?

況且你D料跟本唔差, 會計是熱門科, 入讀的競爭激烈, 即使是IVE diploma in Accounting, 我相信你冇十三分以上係入唔到去讀o既, 既然你D料唔差, 咁點解仲去台灣讀, 即使IVE HD in Accounting 難讀, 同學等競爭對手幾強也好, 只要你鼓起意志, 我相信你能應付有如的. 因為你唔係半途出家, 你的會計水平一直俾IVE啲功課同課堂培育緊, 有咁o既底子, 一定可以過關.

以我所知,香港會計師公會不承認台灣大學畢業生資格,(有很多行業都不承認,好像大陸大學畢業生一樣)
如果你到時想再讀ACCA考牌就要由頭讀過,無得豁免
所以要睇你向那方面出發,如果只是想取個學位就無所謂啦,
但想有更大發展就不要只看現在收入問題和學費問題.